पुणे : तळजाई टाकीवरून आंबेगाव पठार भागाला पाणीपुरवठा करणाऱ्या ६०० मिलीमीटर व्यासाच्या जलवाहिनीच्या दुरुस्तीचे काम येत्या गुरूवारी ( ९ मार्च ) महापालिकेच्या पाणीपुरवठा विभागाकडून करण्यात येणार आहे. त्यामुळे आंबेगाव पठार परिसराचा पाणीपुरवठा गुरूवारी बंद राहणार आहे. शुक्रवारी ( १० मार्च ) म्हणजे दुस-या दिवशी कमी दाबाने आणि उशिरा पाणीपुरवठा होणार असल्याचे महापालिकेच्या पाणीपुरवठा विभागाकडून कळविण्यात आले आहे. आंबेगाव पठार सर्वेक्षण क्रमांक १७ ते ४० या भागात गुरूवारी पाणीपुरवठा होणार नाही.
