लोकसत्ता प्रतिनिधी

पुणे : चालू आर्थिक वर्ष संपुष्टात येण्यास अवघे काही दिवस राहिले असल्याने थकबाकी वसुलीसाठी महापालिकेच्या कर आकारणी आणि कर संकलन विभागाकडून मोहीम हाती घेण्यात आली आहे. त्यातच महापालिका हद्दीत समाविष्ट झालेल्या गावांमधील मिळकतधारकांना तिप्पट कर आकारणी करण्यात आली असून थकबाकी वसुलीची मोहिम तीव्र करण्यात आली आहे. या पार्श्वभूमीवर धोरणात्मक निर्णय होत नाही, तोपर्यंत समाविष्ट गावातील थकबाकी वसूल करण्यात येऊ नये, अशी सूचना उपमुख्यमंत्री, जिल्ह्याचे पालकमंत्री अजित पवार यांनी महापालिकेला केली आहे.

Wild dogs were found for the first time in Phansad Sanctuary
फणसाड अभयारण्यात पहिल्यांदा आढळला रानकुत्र्यांचा वावर
The district administration announced the list of campaign materials along with food items in the list fixed to account for Lok Sabha election expenses pune
जिल्हाधिकाऱ्यांनी पुण्यात आणली ‘स्वस्ताई’; जाणून घ्या कशी?
mumbai, MMRCL, Mumbai Metro Rail Corporation, Colaba Bandra Seepz, Metro 3, Replant Trees 119 , out of 257, Project, environment,
मेट्रो-३ प्रकल्पासाठी तोडण्यात आलेल्या २५७ पैकी केवळ ११९ झाडांचेच पुनर्रोपण, एमएमआरसीएलचा उच्च न्यायालयातील समितीसमोर प्रस्ताव
prakash ambedkar
मविआ-वंचित चर्चेची दारे बंद? तीन जागा स्वीकारण्यास आंबेडकर यांचा नकार

आणखी वाचा-मोठी बातमी : भोरचे आमदार संग्राम थोपटे खासदार सुप्रिया सुळेंबरोबर!

शासकीय विश्रामगृह येथे अजित पवार यांनी बैठक घेतली. समाविष्ट गावातील नागरिक आणि गृहसंकुलाच्या पदाधिकाऱ्यांनी यावेळी पवार यांना माहिती दिली. राष्ट्रवादी काँग्रेसच्या महिला प्रदेशाध्यक्ष रुपाली चाकणकर, खडकवासल्याचे आमदार भीमराव तापकीर, वडगावशेरीचे आमदार सुनील टिंगरे आणि हडपसरचे आमदार चेतन तुपे यांच्यासह महापालिका आयुक्त विक्रम कुमार यावेळी उपस्थित होते. मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्याबरोबर यासंदर्भात बैठक घेण्यात येईल. त्यामध्ये धोरणात्मक निर्णय घेतला जाईल. तोपर्यंत थकबाकी वसुली करण्या येऊ नये, असे पवार यांनी सांगितले.