पुणे : मांजराला काठीने बेदम मारहाण केल्याने त्याचा मृत्यू झाल्याची घटना गोखलेनगर भागात घडली. या प्रकरणी एका महिलेवर गुन्हा दाखल करण्यात आला आहे. याबाबत प्रशांत दत्तात्रय गाठे (वय ५३, रा. शिर्के पिठाच्या गिरणी शेजारी, गोखलेनगर) यांनी चतुःशृंगी पोलीस ठाण्यात फिर्याद दिली आहे. या प्रकरणी शिल्पा नीलकंठ शिर्के (रा. शिर्के पिठाच्या गिरणीशेजारी, गोखलेनगर) या महिलेच्या विरोधात प्राण्यांना क्रूरतेने वागणूक दिल्या प्रकरणी गुन्हा दाखल करण्यात आला आहे. गाठे यांनी मांजर पाळले होते. मांजर शिर्के यांच्या घरात शिरल्याने शिल्पाला राग आला. तिने काठीने मांजराला मारहाण केली. मारहाणीत मांजराचा मृत्यू झाला. त्यानंतर शिर्के यांनी पोलिसांकडे तक्रार दिली. पोलीस हवालदार मोरे तपास करत आहेत.
