पुणे : एसटी बसच्या धडकेत दुचाकीस्वार तरुणीचा मृत्यू झाल्याची घटना शनिवारी सायंकाळी कात्रज चौकात घडली. तरुणीने हेल्मेट परिधान केले होते. मात्र, तिने हेल्मेटचा पट्टा लावला नव्हता. अपघातानंतर तिच्या डोक्यातील हेल्मेट उडून पडले होते. हेल्मेट परिधान करूनही ती वाचली नाही, अशी माहिती प्रत्यक्षदर्शींनी दिली.

श्वेता चंद्रकांत लिमकर (वय २५, रा. कागल, जि. कोल्हापूर ) असे मृत्युमुखी पडलेल्या दुचाकीस्वार तरुणीचे नाव आहे. श्वेता खेड शिवापूर भागातील एका कंपनीत नोकरीस होती. कामावरून ती घरी निघाली होती. कात्रज चौकात सायंकाळी दुचाकीस्वार श्वेताला महाबळेश्वर-पुणे या मार्गावरील एसटी बसने धडक दिली. दुचाकीस्वार श्वेताचा तोल गेला. ती रस्त्यात पडली. त्यावेळी तेथून सांगली-स्वारगेट या मार्गावरील एसटी बस निघाली होती. या बसच्या चाकाखाली सापडल्याने तिचा मृत्यू झाला. श्वेताने हेल्मेट परिधान केले होते. मात्र, तिने हेल्मेटचा पट्टा लावला नव्हता. अपघातानंतर तिच्या डोक्यातील हेल्मेट उडून पडले होते. हेल्मेट परिधान करून ती वाचली नाही, अशी माहिती प्रत्यक्षदर्शींनी दिली.

bhaindar uttan marathi news
भाईंदरच्या उत्तन येथील घटना, खड्ड्यात बुडून ६ वर्षीय मुलाचा मृत्यू
pune hit and run case marathi news
कर्तव्य चोख बजावल्यावर काही क्षणात पोलिसांवर काळाची झडप, पुणे हिट अँड रन प्रकरणाच्या आधी नेमकं काय घडलं ते वाचा…
Shiv Sena deputy leades son hit a couple with a car Mumbai
धनिकपुत्राची दांडगाई! शिवसेना उपनेत्याच्या मुलाची मोटारीने दाम्पत्याला धडक, दोन किलोमीटरपर्यंत फरफटल्याने महिलेचा मृत्यू
Worli Accident Today BMW Car hits Two Wheeler
वरळीत भरधाव BMW वाहनानं महिलेला १०० मीटरपर्यंत फरफटत नेल्यानंतर मृत्यू, वाहन मालक शिंदे गटाचा पदाधिकारी ताब्यात
Buffaloes die on the spot due to lightning in the stream Demand in Assembly for compensation
ओढ्यात विजेच्या झटक्याने म्हशींचा जागीच मृत्यू; नुकसान भरपाईसाठी विधानसभेत मागणी
Contract doctor dismissed in case of child death in gadchiroli 
गडचिरोली : उपचारात हलगर्जीपणा भोवला ! बालकाच्या मृत्यू प्रकरणी कंत्राटी डॉक्टर बडतर्फ; लोकसत्ताच्या वृत्ताची दखल
Gadchiroli, Death, child,
गडचिरोलीत आरोग्य व्यवस्थेचे धिंडवडे; उपचाराअभावी ४ वर्षीय चिमुकल्याचा मृत्यू, रुग्णवाहिका वेळेत…
Dilip Mohite Patil nephew pune highway accident
पोर्शे कार अपघातानंतर पुण्यात पुन्हा भीषण अपघात! आमदाराच्या पुतण्याने दोघांना चिरडलं; एकाचा मृत्यू

हेही वाचा…कल्याणीनगर अपघात प्रकरणातील मुलाला जामीन मंजूर करताना चुका; बाल न्याय मंडळाच्या सदस्यांना कारणे दाखवा नोटीस

अपघाताची माहिती मिळताच भारती विद्यापीठ पोलिसांनी घटनास्थळी धाव घेतली. अपघातानंतर कात्रज चौकात कोंडी झाली होती. पोलिसांनी एसटीचालकाला ताब्यात घेतले असून, रात्री उशिरापर्यंत गुन्हा दाखल करण्याचे काम सुरू होते.

हेही वाचा…‘पुरंदरमधील विमानतळ मूळ जागेवरच’

कात्रज-कोंढवा रस्ता वाहतुकीसाठी धोकादायक झाला आहे. दोन दिवसांपूर्वी पीएमपी बस दुरूस्तीसाठी गेलेल्या कंत्राटी कर्मचाऱ्याचा दोन बसमध्ये सापडून मृत्यू झाला होता. शहरात गंभीर स्वरूपाच्या अपघातात वाढ झाली आहे. कल्याणीनगर भागात झालेल्या अपघातानंतर शहरात वेगवेगळ्या अपघातांत २० जणांचा अपघाती मृत्यू झाला. भरधाव वेग आणि बेजबाबदारपणामुळे गंभीर स्वरुपाच्या अपघातांच्या घटनांमध्ये वाढ झाली आहे.