थेऊरमधील यशवंत सहकारी साखर काराखान्याच्या मोकळ्या जागेत एका तरुणीचा दगडाने ठेचून खून करण्यात आल्याचा प्रकार उघडकीस आला आहे. खून झालेल्या तरुणीची ओळख पटलेली नाही. यशवंत सहकारी साखर कारखान्याच्या मोकळ्या जागेत एका तरुणीचा मृतदेह दिसल्याची माहिती नागरिकांनी लोणी काळभोर पोलिसांना दिली. त्यानंतर गुन्हे शाखेचे पोलीस निरीक्षक सुभाष काळे आणि कर्मचाऱ्यांनी घटनास्थळी जाऊन पाहणी केली. तरुणीच्या डोक्यात दगड मारुन खून करण्यात आल्याचे उघडकीस आले. तरुणीच्या चेहऱ्यावर दगड मारण्यात आल्याने तिची ओळख पटू शकलेली नाही. तरुणीच्या खुनामागचे कारण समजू शकले नसून पोलिसांकडून तपास करण्यात येत आहे.
