संगणक अभियंता मैत्रिणीचा छळ करून तिला आत्महत्येस प्रवृत्त केल्याप्रकरणी वाकड पोलिसांनी तिच्या मित्राविरुद्ध गुन्हा दाखल केला आहे. ट्विंकल जोगिंदरपालसिंग बंदेशा (वय २८) असे आत्महत्या केलेल्या तरुणीचे नाव आहे. तिला आत्महत्येस प्रवृत्त केल्याप्रकरणी नीलेशसिंग सुरेंद्रसिंग परिहार (वय ३०, रा. झेनॉन अपार्टमेंट, वाकड) याच्याविरुद्ध गुन्हा दाखल करण्यात आला आहे. जोगिंदरपालसिंग परिहार (वय ५६, रा.नाशिक) यांनी यासंदर्भात वाकड पोलीस ठाण्यात फिर्याद दिली. पोलिसांनी दिलेल्या माहितीनुसार, ट्विंकल आणि तिचा मित्र नीलेशसिंग हे दोघेही संगणक अभियंता आहेत. त्यांच्यात प्रेमसंबंध होते. नीलेशसिंग याने तिचा शारिरिक आणि मानसिक छळ केल्याने ट्विंकलने वाकड येथील सुकासा सोसायटीतील सदनिकेत ४ जुलै रोजी गळफास घेऊन आत्महत्या केली होती. तिच्या वडिलांनी दिलेल्या फिर्यादीनुसार नीलेशसिंगविरुद्ध गुन्हा दाखल करण्यात आला आहे. पोलीस उपनिरीक्षक टी.एस.फड तपास करत आहेत.
