दीपा पाटील साहित्य २ कप बोनलेस चिकन तुकडे, १ चमचा करी पावडर, १ मोठा कांदा, अर्धा चमचा लसूण पेस्ट, १ कपभर नारळाचं दूध, १ मोठा टोमॅटो, अर्धा चमचा टोमॅटो सॉस, अर्धा चमचा मिरपूड, तेल, मीठ. कृती चिकनचे चौकोनी तुकडे करावे. त्याला मीठ, मिरपूड लावून ठेवावे. एका भांडय़ात तेल गरम करून त्यात लसूण आणि कांदा परतून घ्यावा. त्यात करी पावडर घालावी आणि चिकनचे तुकडे घालावे. व्यवस्थित परतून ७-८ मिनिटे शिजवावे. चिकन शिजल्यानंतर त्यात चिरलेला टोमॅटो घालून एक वाफ आणावी. यानंतर नारळाचे दूध, टोमॅटो सॉस घालून पुन्हा वाफ आणावी. १०-१५ मिनिटे झाकण ठेवून शिजवावे. भातासोबत गरमागरम खावे.
