दीपा पाटील साहित्य पाव किलो कोळंबी, ४-५ मोठे कांदे, २ मोठे चमचे आलं-लसूण वाटण, २ मोठे चमचे लाल तिखट, १ मोठा चमचा गरम मसाला, अर्धा मोठा चमचा हळद, २ मोठे चमचे चिंचेचा कोळ, ४ मोठे चमचे सुकं खोबरं, अर्धी वाटी तेल, मीठ चवीनुसार कृती कांदे बारीक कापून घ्या. सुकं खोबरं भाजून बारीक वाटून घ्या. कोळंबी स्वच्छ धुवून घ्या. कढईत तेल गरम करा व त्यात कांदा परतवा. नंतर त्यात आलं-लसूण वाटण टाका. नंतर हळद, लाल तिखट टाकून थोडे परतवून कोळंबी टाका. नंतर सुकं खोबरं, चिंचेचा कोळ, मीठ टाकून एक वाफ आणा.
