19 May 2019

News Flash

आरोग्यदायी आहार  : काठी रोल

तुकडे करून किंवा अख्खाच चटणी किंवा दह्य़ाबरोबर वाढावा.

 डॉ. सारिका सातव

साहित्य

* गव्हाचे पीठ २-३ वाटय़ा, चिरलेला कोबी, गाजर, कांद्याची पात, सिमला मिरची आणि वाटाणा, लाल तिखट, मीठ, चाट मसाला, तीन चमचे तेल.

कृती

* गाजर, वाटाणा, सिमला मिरची, कांदा या भाज्या मीठ, लाल तिखट आणि चाट मसाला घालून शिजवाव्यात.

* सर्वात शेवटी कोबी घालून एक वाफ द्यावी.

* नंतर कांद्याची पात घालावी.

* गव्हाच्या पिठात मीठ, तेल घालून मळून घ्यावे.

* फुलक्याप्रमाणे लाटावेत.

* त्यावर भाज्यांचे सारण एका सरळ रेषेत ठेवून घट्ट गुंडाळावे.

* सारण बाहेर येऊ नये म्हणून दोन्ही बाजू बंद कराव्यात.

* हा रोल कमी तेलात तळावा.

* तुकडे करून किंवा अख्खाच चटणी किंवा दह्य़ाबरोबर वाढावा.

वैशिष्टय़े

* डब्याला नेण्यासाठी उत्तम पदार्थ

* तंतुमय पदार्थ प्रथिने आणि ‘ब’ जीवनसत्त्व मुबलक प्रमाणात मिळते.

* मधुमेह, हृदयविकार, स्थूलता आणि अन्य अनेक व्याधींमध्ये उपयुक्त.

* न आवडणाऱ्या भाज्याही यात वापरता येतात.

* अंडे, पनीर इत्यादींचाही वापर करता येतो.

पाककृतीसाठी लागणारा वेळ :

पूर्वतयारीसाठी लागणारा वेळ : 1

एकूण वेळ : 1

पदार्थाचा प्रकार :

किती व्यक्तींसाठी :

लेखक :

First Published on April 9, 2019 4:05 am

Web Title: kati roll recipe for loksatta readers