डॉ. सारिका सातव साहित्य अख्खे मूग (अर्धा किलो), ज्वारी (१ वाटी), ओवा (२ छोटे चमचे), बारीक किसलेल्या भाज्या, चवीनुसार मीठ, मिरची-आले-लसूण पेस्ट (अर्धा ते एक चमचा.) कृती * अख्खे मूग, ज्वारी, ओवा एकत्र भाजून दळून आणावे. * दळलेले पीठ १-२ वाटय़ा घ्यावे. त्यात मिरची-आले-लसूण पेस्ट आणि पाणी घालून पातळ भिजवावे. * मिश्रणातील गुठळ्या व्यवस्थित फोडून मिश्रण एकसंध करावे. * सर्वात शेवटी मीठ घालावे. * आवश्यकतेनुसार बारीक किसलेल्या भाज्या या मिश्रणात घालू शकता. * मिश्रण नीट ढवळून नंतर तव्यावर घालून डोसे करावेत. हे डोसे कोथिंबीर किंवा लसणाच्या चटणीबरोबर किंवा दह्य़ाबरोबर वाढावेत. वैशिष्टय़े * सर्व वयोगटांसाठी उपयुक्त. * डब्यात नेण्यास उत्तम. * मधुमेह, हृदयविकार, पित्ताचे विकार, स्थूलता इत्यादी अनेक व्याधींमध्ये उपयुक्त. * पचनाच्या तक्रारी असणाऱ्यांसाठी उत्तम. * ब जीवनसत्त्व, प्रथिने, तंतुमय पदार्थ अधिक प्रमाणात. * अतिशय कमी वेळात होणारा पौष्टिक पदार्थ.