साहित्य अर्धा किलो ताज्या स्ट्रॉबेरी, अर्धा कप संत्र्याचा रस, अर्धा कप सोडा, पाव कप लिंबूरस, अर्धा कप बर्फ, सजावटीसाठी लिंबू, जाडसर पिठीसाखर. कृती स्ट्रॉबेरीज, संत्र्याचा रस, सोडा, लिंबूरस आणि बर्फ ब्लेंडरमध्ये घाला. ते ब्लेंडरमधून जाडसर वाटून घ्या. आता ग्लासाच्या कडेवर लिंबाची फोड फिरवून घ्या. लिंबाने ओल्या झालेल्या ग्लासाच्या या कडेवर जाडसर पिठीसाखर पेरा. आता ग्लासाच्या कडेला या साखरेचा छान थर तयार होईल. या ग्लासात स्ट्रॉबेरीचे मिश्रण ओता. सजावटीसाठी लिंबाची चकती लावून तुमची स्ट्रॉबेरी मार्गारिटा पेश करा.
