रचना पाटील साहित्य १ वाटी पांढरे वाटाणे, २ किसलेले कांदे, अर्धी वाटी मिक्सरमध्ये बारीक केलेले काजू , १ वाटी नारळाचे दूध, २ मोठे चमचे आलं-लसूण वाटण, ६ लवंग, २ दालचिनी तुकडे, ६ पांढरी मिरी, मीठ चवीनुसार, १ मोठा चमचा तेल. कृती पांढरे वाटाणे ५-६ तास भिजत घाला. वाटाणे बुडतील एवढे पाणी व चवीनुसार मीठ घालून कुकरमध्ये शिजून घ्या. कढईत तेल टाकून लवंग-दालचिनी-मिरी टाका. तडतडल्यावर किसलेले कांदे टाकून परता. मग आलं-लसूण वाटण टाकून पुन्हा परता. त्यात शिजलेले वाटाणे टाका. चवीनुसार मीठ टाका. त्यात काजू पेस्ट, नारळाचे दूध टाका. उकळी येऊ द्या.
