Cheese Corn Balls Recipe: संध्याकाळच्या वेळेला काहीतरी चटकदार खायची इच्छा झाली की बाहेरचं ऑर्डर करण्यापेक्षा घरच्या घरी बनवलेले चीज कॉर्न बॉल्स हा एक परफेक्ट पर्याय ठरतो. बाहेरून कुरकुरीत आणि आतून मऊ, चीजी फिलिंग-ही डिश लहानांपासून मोठ्यांपर्यंत सगळ्यांची फेव्हरेट आहे. खास पार्टी, स्नॅक्स टाइम किंवा अचानक आलेल्या पाहुण्यांसाठीही ही रेसिपी अगदी झटपट तयार करता येते.
घरच्या घरी बनवल्यामुळे तुम्ही तेल, मसाले आणि चीजचं प्रमाण आपल्या आवडीनुसार ठरवू शकता. शिवाय, ही डिश बनवायला सोपी असल्यामुळे नवशिक्यांनाही सहज करता येते. एकदा करून पाहिल्यावर ही रेसिपी नक्कीच तुमच्या फेव्हरेट लिस्टमध्ये जाईल!
साहित्य:
- 1 कप स्वीट कॉर्न (उकडलेले)
- 1/2 कप किसलेलं चीज
- 2 टेबलस्पून कॉर्नफ्लोअर
- 2 टेबलस्पून मैदा
- 1/2 टीस्पून मिरची पावडर
- 1/2 टीस्पून काळी मिरी पावडर
- चिमूटभर मीठ
- ब्रेडक्रम्ब्स (coating साठी)
- तळण्यासाठी तेल
हेही वाचा
कृती:
- उकडलेले कॉर्न हलकेच मॅश करून घ्या.
- त्यात किसलेलं चीज, कॉर्नफ्लोअर, मैदा, मीठ आणि मसाले घालून मिश्रण तयार करा.
- या मिश्रणाचे छोटे-छोटे बॉल्स तयार करा.
- प्रत्येक बॉल ब्रेडक्रम्ब्समध्ये रोल करा.
- कढईत तेल गरम करून हे बॉल्स मध्यम आचेवर सोनेरी होईपर्यंत तळा.
- तयार गरमागरम चीज कॉर्न बॉल्स सॉससोबत सर्व्ह करा.
सर्व्हिंग टिप:
गरमागरम सर्व्ह केल्यास चीज आतून छान melt होतं आणि चव जबरदस्त लागते.
