नॉनव्हेज विसरून जाल! सुरणाचे खमंग चटपटीत काप करण्याची रेसिपी; ५ मिनिटांत होतील तयार

आपल्या घरांमध्ये सुरण, बटाटा, वांगी आणि कच्च्या केळीचे काप आवर्जून केले जातात. हे काप चविष्ट तर असतातच, शिवाय योग्य प्रमाणात खाल्ल्यास आरोग्यासाठीही फायदेशीर ठरतात. त्यामुळे आज आपण घरच्या घरी खमंग आणि कुरकुरीत सुरणाचे काप कसे बनवायचे याबद्दल इन्स्टाग्राम युजरने रेसिपी व्हिडीओ शेअर केला आहे.

साहित्य

सुरणाचे काप – १०० ग्रॅम

मॅरिनेशनसाठी

• कोकम आगळ (रस) – ३० मिली.
• आलं-लसूण-मिरची पेस्ट – १ मोठा चमचा
• हळद – अर्धा छोटा चमचा
• गरम मसाला – अर्धा छोटा चमचा
• लाल तिखट – २ छोटे चमचे
• मीठ – १ छोटा चमचा

सुरणाच्या कापांना वरून लावण्यासाठी मिश्रण

• मैदा – १ कप
• कॉर्न फ्लोअर (मक्याचे पीठ) – १ कप
• मीठ – चवीनुसार

व्हिडीओ नक्की बघा…

कृती

• सुरणाचे काप कापून पाण्यात ठेवून द्या.
• त्यानंतर कापडावर सुरणाचे काप ठेवून व्यवस्थित पुसून घ्या.
• नंतर सुरणाचे काप ताटात वर्तुळाकार ठेवून द्या आणि त्यावर कोकम आगळ लावून घ्या आणि मधोमध आलं-लसूण-मिरची पेस्ट, हळद , गरम मसाला, लाल तिखट, मीठ घेऊन मिश्रण बनवून घ्या आणि सगळ्या सुरणाच्या कापांना लावून घ्या.
• मग मैदा, मक्याचे पीठ, मीठ यामध्ये सुरणाच्या कापांना व्यवस्थित बुडवून घ्या आणि तेलात फ्राय करून घ्या.

सोशल मीडियावर व्हायरल होणारा हा @pawar_omkar या इन्स्टाग्राम अकाउंटवरून शेअर करण्यात आला आहे.