सकाळी उठल्यावर पोट साफ होते आणि आंघोळ वगैरे आवरुन झाले की आपल्याला दणकून भूक लागते. रात्रभर पोट रिकामे असल्याने पोटात जणू खड्डाच पडलेला असतो. एकीकडे ऑफीसला जायची घाई, स्वयंपाकाची घाई आणि त्यात घरातील प्रत्येकाच्या वेगवेगळ्या तऱ्हा. कितीही घाई असली तरी ब्रेकफास्ट मात्र करायलाच हवा. म्हणूनच आम्ही तुमच्यासाठी घेऊन आलो आहोत, हेल्थी ब्रेकफास्ट रेसिपी, चला तर मग बघुयात कसा बनवायचा हेल्थी ब्रेकफास्ट हेल्दी ब्रेकफास्ट साहित्य - अडीच कप ओट्स, अर्धा कप जाडसर बदाम काप११३ ग्रॅम मध, ३ मोठे चमचे लो कॅलरी बटरपाव कप गूळ, अर्धा चमचा व्हॅनिला इसेन्सपाव चमचा मीठ, अर्धा कप काळ्या मनुकांचे काप१ मोठा चमचा भाजलेली अळशी हेल्दी ब्रेकफास्ट कृती - सर्वप्रथम ओव्हन ३५० डी. फॅ. वर तापवा. ओव्हनमधील बेकिंग ट्रेवर अॅल्युमिनियम फॉइल बसवा. ब्रशने अथवा बोटांनी फॉइलवर आणि ट्रेच्या कडांवर तेलाचा हात फिरवा. आता त्या ट्रेवर बदाम आणि ओटस् पसरावा आणि ५ मिनिटे किंचित भाजून घ्या. त्याला एका बाऊलमध्ये काढून घ्या. मध्यम आचेवर बटर, मध, गूळ, व्हॅनिला इसेन्स आणि मीठ पॅनमध्ये एकत्र करून तापवा. बटर आणि गूळ विरघळून एकत्र होईपर्यंत अधूनमधून मिश्रण हलवत राहा. हे मिश्रण भाजलेल्या ओटस् आणि बदामावर घालून चांगलं एकजीव करा. थंड झाल्यावर त्यात अळशी आणि काळ्या मनुका मिसळा. आयताकृती पॅनमध्ये हे मिश्रण ओतून रबरी कालथ्याने अथवा बोटे थोडीशी ओली करून ते दाबा आणि दोन तास फ्रिजमध्ये थंड करत ठेवा. हेही वाचा - Jamun Icecream Recipe: नैसर्गिक पद्धतीने तयार केलेली जांभूळ आइस्क्रीम, उन्हाळ्यात नक्की ट्राय करा दोन तासांनंतर हे कणीदार मिश्रण पॅनमधून एका ॲल्युनिमियम फॉइलवर काढा आणि त्याचे बारा समान तुकडे करा. हा ग्रॅनोला बार बंद डब्यात भरा. ते बाहेर अथवा फ्रिजमध्ये ठेवू शकता.