इव्हान्जेलोस ओडेसिओस पापाथनासिऊ हे १७ मे रोजी, वयाच्या ७९व्या वर्षी वारले. या संगीतकाराचं नाव भारतीयांना माहीत असण्याचं काहीही कारण नव्हतं. ‘वांगेलिस’ हे त्याचं टोपणनावही बहुतेकांना माहीत नसेल. तरीही त्याचे सूर अनेक भारतीयांनी, अनेक मराठीजनांनी ऐकलेले आहेत. त्या गाण्याला मुद्दाम दाद नसेल कुणी दिली, पण ते गाणं ज्यांनी ज्यांनी ऐकलं त्यांना त्यांना ते लक्षात राहिलंच असेल.. कारण त्या गाण्याची चाल! ते रुंजी घालणारे चढे सूर.. होय चढेच. शक्तिशाली सूर. काहीसे आक्रमकसुद्धा भासणारे. ‘चॅरिअट्स ऑफ फायर’ या १९८१ सालच्या चित्रपटासाठी वांगेलिस यांनी दिलेलं ते संगीत, त्या वर्षी ‘ऑस्कर’ची बाहुली पटकावणारं ठरलं. म्हणून लगेच भारतीय किंवा जगभरचे लोक वांगेलिस यांना ओळखू लागतील, असं का व्हावं?

या बातमीसह सर्व प्रीमियम कंटेंट वाचण्यासाठी साइन-इन करा

नाहीच झालं तसं. पण १९८८ मध्ये ‘खून भरी माँग’ नामक एक हिंदी चित्रपट आला. रेखा आणि कबीर बेदीचा चित्रपट म्हणून तो गाजला. रेखाची भूमिका तर ‘सिलसिला’नंतर सर्वात महत्त्वाची ठरली वगैरे. आणि त्या चित्रपटातलं, सहनायिका आणि कबीर बेदी यांच्या काहीशा आक्रमक प्रणयाची दृश्यं दाखवणारं पण नायिकेची मन:स्थिती व्यक्त करणारं गाणं गाजलं- ‘मैं तेरी हूं जानम तू मेरा जिया, जुदा तन से जान को किस ने किया’ – गायिका साधना सरगम, गीतकार इंदीवर आणि संगीतकार? नावापुरतेच राजेश रोशन. खरं या गाण्याचं संगीत वांगेलिस यांचंच!

मराठीतील सर्व व्यक्तिवेध बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Vyaktivedh personality wangelis musician sur indians heard song ysh
First published on: 21-05-2022 at 00:02 IST