20 January 2025 today Horoscope astrology
1 / 31

२० जानेवारी पंचांग: मेष ते मीन राशींचा सोमवार कसा जाणार?

वैदिक ज्योतिषशास्त्रानुसार, २० जानेवारी रोजी पौष कृष्ण पक्षातील उदया तिथी षष्ठी आणि सोमवार आहे. षष्ठी तिथी सोमवारी सकाळी ९ वाजून ५९ मिनिटांपर्यंत असेल, त्यानंतर सप्तमी तिथी सुरू होईल. २० जानेवारीला दुपारी 2 वाजून ५२ मिनिटांपर्यंत सुकर्म योग राहील. तसेच या दिवशी रात्री ८ वाजून वाजेपर्यंत हस्त नक्षत्र जागृत असेल. तसेच चंद्र कन्या राशीत स्थित असेल. नेमकं आजच्या दिवशी मेष ते मीन राशींचं नशीब कसं बदलणार हे पाहूया…

Swipe up for next shorts
Elon Musk and Narendra Modi (1)
2 / 31

मोदी-मस्क यांच्या भेटीनंतर टेस्ला भारतात करणार नोकरभरती, मुंबईतील तरुणांनाही संधी

पंतप्रधान नरेंद्र मोदी यांच्या अमेरिका दौऱ्यात एलॉन मस्क यांची भेट घेतल्यानंतर टेस्ला भारतात नोकरभरती करण्याच्या विचारात आहे. त्यांनी लिंक्डइनवर जाहिरात दिली असून, मुंबई आणि दिल्लीतील तरुणांसाठी कस्टमर सर्व्हिस, बॅकएंड कामे, सेवा तंत्रज्ञ, सल्लागार, कस्टमर एंगेजमेंट मॅनेजर आणि वितरण ऑपरेशन्स विशेषज्ञ पदांसाठी संधी आहे. भारताने उच्च दर्जाच्या कारवरील आयात शुल्क कमी केल्यामुळे टेस्ला भारतात येण्यास उत्सुक आहे.

Swipe up for next shorts
vandalises multiplex screen in Bharuch during Chhava movie screening
3 / 31

Video: ‘छावा’ चित्रपटातील तो ‘सीन’सुरू असताना प्रेक्षक चवताळला, थेट सिनेमाचा पडदाच फाडला

छत्रपती संभाजी महाराज यांच्या जीवनावर आधारित 'छावा' चित्रपटाला प्रेक्षकांचा जोरदार प्रतिसाद मिळत आहे. मात्र, गुजरातमधील भरूच येथे चित्रपटगृहात एक विचित्र घटना घडली. रविवारी रात्री आरके सिनेमा येथे एका प्रेक्षकाने पडदा फाडला. आरोपी जयेश वसावा हा शुद्धीत नसल्याने त्याने औरंगजेबाच्या दृश्यावर चवताळून पडद्याचे नुकसान केले. पोलिसांनी त्याला ताब्यात घेतले असून, त्याच्यावर गुन्हा दाखल केला आहे.

Swipe up for next shorts
Sanam Teri Kasam beats Tumbbad re-release Collection
4 / 31

‘सनम तेरी कसम’ने ‘तुंबाड’ला टाकलं मागे, १० दिवसांत कमावले तब्बल ‘इतके’ कोटी

'सनम तेरी कसम' हा रोमँटिक चित्रपट ९ वर्षांनंतर पुन्हा रिलीज झाला आणि प्रेक्षकांनी त्याला उत्तम प्रतिसाद दिला. पहिल्यांदा फ्लॉप झालेला हा चित्रपट आता बॉक्स ऑफिसवर ३६.१ कोटींची कमाई करत आहे. राधिक राव आणि विनय सप्रू यांच्या दिग्दर्शनाखाली बनलेल्या या चित्रपटाने मूळ कलेक्शनपेक्षा चार पट जास्त कमाई केली आहे. हर्षवर्धन राणे आणि मावरा होकेन यांच्या अभिनयाने प्रेक्षकांना भुरळ घातली आहे.

4 bjp mla suspended
5 / 31

भाजपा आमदारांनी सरकारी कागद फाडले, अध्यक्षांच्या दिशेनं भिरकावले; विरोधी पक्षनेत्यांसह…

पश्चिम बंगाल विधानसभेचे अध्यक्ष बिमन बॅनर्जी यांनी सरस्वती पूजेच्या मुद्द्यावरून गोंधळ घातल्यामुळे भाजपाच्या चार आमदारांना महिन्याभरासाठी निलंबित केले. भाजप आमदारांनी सरस्वती पूजेवर चर्चा करण्याची मागणी केली होती, परंतु अध्यक्षांनी नकार दिल्याने गोंधळ झाला. तृणमूल काँग्रेसच्या आमदारांनी निलंबनाची मागणी केली आणि ती मंजूर झाली. कोलकात्यातील सरस्वती पूजेवरून वाद सुरू असून, न्यायालयाने पोलिसांना पूजा सुरळीत पार पाडण्याचे आदेश दिले आहेत.

Delta Plane Crash torronto
6 / 31

८० प्रवाशांना घेऊन जाणारं विमान जमिनीवर उलटलं, अपघातस्थळावरचा VIDEO व्हायरल

सोमवारी टोरंटो विमानतळावर डेल्टा एअर लाईन्सचे विमान अपघातग्रस्त झाले. ८० प्रवाशांपैकी १७ जण जखमी झाले, परंतु कोणतीही जीवितहानी झाली नाही. विमान मिनियापोलिसहून आले होते. अपघातानंतर प्रवासी उलटलेल्या विमानातून बाहेर पडले. विमानात आग लागल्याने पाण्याचा फवारा मारण्यात आला. विमानतळाने सर्व उड्डाणे स्थगित केली होती, परंतु दोन तासांनी सेवा सुरळीत झाली.

Who is New CEC Gyanesh Kumar
7 / 31

मुख्य निवडणूक आयुक्तपदी ज्ञानेश कुमार यांची निवड; राम मंदिर निर्माणात दिलं होतं योगदान

ज्येष्ठ सनदी अधिकारी ज्ञानेश कुमार यांची देशाच्या मुख्य निवडणूक आयुक्तपदी निवड झाली आहे. ते सध्याचे मुख्य निवडणूक आयुक्त राजीव कुमार यांच्याकडून १९ फेब्रुवारी रोजी पदभार स्वीकारतील. ज्ञानेश कुमार यांचा कार्यकाळ २६ जानेवारी २०२९ पर्यंत असेल. त्यांनी केरळमध्ये विविध पदांवर काम केले आहे आणि राम मंदिर निर्माण समितीवरही महत्त्वाची भूमिका निभावली आहे.

Usha Nadkarni gets emotional remembering late brother
8 / 31

…अन् उषा नाडकर्णींना अश्रू अनावर, ‘त्या’ व्यक्तीच्या आठवणीत रडल्या? पाहा भावुक व्हिडीओ

ज्येष्ठ अभिनेत्री उषा नाडकर्णी 'सेलिब्रिटी मास्टरशेफ'मध्ये विविध पदार्थ बनवून परीक्षकांची मनं जिंकताना दिसत आहेत. एका प्रोमोमध्ये उषाताई त्यांच्या दिवंगत भावाबद्दल बोलताना भावुक झाल्या. शेफ विकास खन्ना यांनीही त्यांच्या बहिणीच्या निधनानंतरच्या अनुभवांबद्दल सांगितलं. या व्हिडीओमुळे नेटकरी भावुक झाले असून, कुटुंबाचं महत्त्व अधोरेखित करत आहेत. 'सेलिब्रिटी मास्टरशेफ'चा आगामी भाग खूप भावनिक असेल असं दिसत आहे.

Korean population in Talegaon
9 / 31

पुण्यात उभं राहतंय छोटं ‘दक्षिण कोरिया’; इथं आहे कोरियन हॉटेल, रेस्टॉरंट आणि गेम्सची चलती

पुण्यातील तळेगाव एमआयडीसीमध्ये ह्युंदाई, पॉस्को आणि लोट्टे या कोरियन कंपन्यांनी उद्योग विस्तार केला आहे. यासोबतच कोरियन हॉटेल्स आणि रेस्टॉरंटही पसरू लागले आहेत. ली जून सेओ यांचे कुटुंब दहा वर्षांपूर्वी सेऊलहून पुण्यात आले. पुण्यात सुमारे १,००० कोरियन नागरिक राहतात. ते तळेगाव, चाकण आणि रांजणगाव येथील कारखान्यांमध्ये काम करतात.

Sweet potato should eat with skin expert shared health benefits
10 / 31

तुम्हीदेखील रताळे सोलून खाताय? मग करताय खूप मोठी चूक, तज्ज्ञांनी सांगितलं…

Sweet potato with skin: तुम्ही रताळे खाण्यापूर्वी ते सोलता का? रताळ्याची साल म्हणजे निसर्गाचं स्वतःचं संरक्षण कवच. ते केवळ रताळ्याच्या आतल्या भागाला ओलसर आणि ताजे ठेवत नाही तर त्यात आवश्यक पोषक तत्वेदेखील असतात, जी अनेकदा सोलल्यावर वाया जातात. Indianexpress.com ने रताळ्याच्या सालीचे सेवन करण्याचे पौष्टिक फायदे समजून घेण्यासाठी होलिस्टिक हेल्थ आणि वेलनेस कोच ईशा लाल यांच्याशी संपर्क साधला.

Delhi earthquake what to do if you are in a car during an earthquake important tips
11 / 31

गाडी चालवत असताना अचानक भूकंप झाला, तर काय करावे? जाणून घ्या ‘या’ महत्त्वाच्या टिप्स

ऑटो 16 hr ago

Delhi earthquake what to do if you are driving a car during an earthquake: दिल्ली आणि आसपासच्या परिसरात पहाटे झालेल्या भूकंपाच्या धक्क्यांमुळे लोकांची झोप उडाली. या भूकंपाचा पीक पॉइंट (peak point) दिल्ली असल्याचे सांगितले जात आहे; परंतु कमी रिश्तर स्केलमुळे कोणतीही जीवित किंवा वित्तहानी झालेली नाही. भूकंपाच्या धक्क्यांमुळे लोक घराबाहेर पळताना दिसले. अशा परिस्थितीत जर तुम्ही गाडी चालवत असाल आणि अचानक भूकंप झाला, तर काय कराल?

donald trump canada flag day
12 / 31

डोनाल्ड ट्रम्प यांच्या ‘त्या’ धमकीला कॅनडातील नागरिकांचं हटके उत्तर; ‘राष्ट्रध्वज दिना’चं

अमेरिकेचे राष्ट्राध्यक्ष डोनाल्ड ट्रम्प यांनी पदभार स्वीकारल्यानंतर काही देशांवर टेरिफ लागू केले आणि बेकायदेशीर नागरिकांना परत पाठवण्याचे आदेश दिले. कॅनडाला ५१वं राज्य बनवण्याच्या त्यांच्या विधानावर आंतरराष्ट्रीय प्रतिक्रिया उमटल्या. कॅनडाच्या राष्ट्रध्वज दिनी नागरिकांनी ध्वज फडकावून राष्ट्राभिमान व्यक्त केला. कॅनडाच्या सत्ताधाऱ्यांनी नागरिकांना एकी दाखवण्याचे आवाहन केले. ट्रम्प यांच्या धोरणांना उत्तर म्हणून कॅनडातील नागरिकांनी अमेरिकन उत्पादनांना नकार दिला.

Shoaib Ibrahim gifted flat to mother in law
13 / 31

जावई असावा तर असा! प्रसिद्ध अभिनेत्याने सासूबाईंना गिफ्ट केला फ्लॅट, रडत म्हणाल्या…

टीव्हीवरील लोकप्रिय जोडपं दीपिका कक्कर आणि शोएब इब्राहिम यांनी त्यांच्या व्लॉगमध्ये दीपिकाच्या आईसाठी फ्लॅट खरेदी केल्याची आनंदाची बातमी शेअर केली. दीपिकाची आई २०१४ पासून भाड्याने राहत असलेल्या फ्लॅटला शोएबने विकत घेतलं. दीपिकाने पती शोएबबद्दल अभिमान व्यक्त केला. ही बातमी शेअर केल्यावर चाहते त्यांचं कौतुक करत आहेत.

Marathi Actress Kranti Redkar Reaction On Chhaava Movie Watch Video
14 / 31

“त्या २५ मिनिटांनी तुमचं आयुष्य बदलून जाणार…”, क्रांतीची ‘छावा’ चित्रपटावर प्रतिक्रिया

नुकताच अभिनेत्री क्रांती रेडकरने इन्स्टाग्राम व्हिडीओ शेअर केला आहे. ज्यामध्ये तिने ‘छावा’ चित्रपट पाहिल्यानंतरचा अनुभव सांगितला आहे. तसंच विकी कौशल, रश्मिका मंदाना, आशुतोष राणा, संतोष जुवेकर अशा चित्रपटातील सर्व कलाकारांचं कौतुक केलं आहे. क्रांती रेडकर म्हणाली, “माझे डोळे आताही सुजलेले दिसतायत. मी काल ‘छावा’ हा चित्रपट बघून आलीये. हा चित्रपट समजून घेण्यासाठी खूप अवघड आहे आणि तुम्हाला माणूस म्हणून जाणीव करून देतो की, तुम्ही समाजात कुठे उभे राहत आहात?" 

Bigg Boss Marathi Season 4 Winner Akshay Kelkar will get married on may 2025
15 / 31

अक्षय केळकरचं ठरलं! ‘बिग बॉस मराठी ४’ चा विजेता ‘या’ महिन्यात करणार गर्लफ्रेंडशी लग्न

‘बिग बॉस मराठी’च्या चौथ्या पर्वाचा विजेता अभिनेता अक्षय केळकर कधी वैयक्तिक आयुष्यामुळे तर कधी व्यावसायिक आयुष्यामुळे तो चर्चेत असतो. गेल्या वर्षा अखेरीस अक्षयने गर्लफ्रेंड ‘रमा’ला सगळ्यांसमोर आणलं आणि लवकरच लग्नबंधनात अडकणार असल्याचं जाहीर केलं होतं. आता अभिनेत्याच्या लग्नाचा मुहूर्त ठरल्याचं समोर आलं आहे. ही आनंदाची बातमी अक्षयने स्वतः सोशल मीडियाद्वारे शेअर केली आहे.

elevated corridor at chirale palaspe gavan phata
16 / 31

“..मग पुण्यात राहूनही मुंबईत कामधंदा करता येईल”, ११०० कोटींच्या प्रकल्पाचं काम सुरू, MMRDA

मुंबई आणि पुणे दरम्यानच्या नोकरदार वर्गाला वाहतूक समस्यांमुळे त्रास होत आहे. MMRDA चे आयुक्त डॉ. संजय मुखर्जी यांनी ११०० कोटींच्या प्रकल्पाची माहिती दिली आहे, ज्यात दोन एलिव्हेटेड कॉरिडॉर उभारले जातील. हे कॉरिडॉर मुंबई-पुणे एक्स्प्रेसवे आणि मुंबई ट्रान्स हार्बर सी-लिंकला जोडतील. फेब्रुवारी २०२७ मध्ये पूर्ण होणारा हा प्रकल्प वाहतूक सुलभ करेल आणि नोकरदार वर्गाला मोठा दिलासा देईल.

Memes Delhi Earthquake
17 / 31

पाताल लोक ते सीआयडी, दिल्लीत पहाटे आलेल्या भूकंपानंतर सोशल मीडियावर मिम्सचा ढिग

राष्ट्रीय राजधानी नवी दिल्लीत आज सकाळी साडेपाचच्या सुमारास ४ रिश्टर स्केलचा भूकंप झाला. दिल्लीकरांनी घराबाहेर पळापळ केली. पंतप्रधान नरेंद्र मोदी यांनी लोकांना शांत राहण्याचे आणि सुरक्षिततेच्या खबरदारीचे पालन करण्याचे आवाहन केले. दिल्ली भूकंपाच्या दृष्टीने सक्रिय क्षेत्रात आहे. गेल्या काही वर्षांत अनेक भूकंप झाले आहेत. भूकंपानंतर सोशल मीडियावर मिम्सचा पाऊस पडला आहे.

ICC Champions Trophy 2025 Live Streaming details in Marathi
18 / 31

चॅम्पियन्स ट्रॉफीचे सामने भारतात लाईव्ह कुठे पाहता येणार? जाणून घ्या टीव्ही चॅनेल

आयसीसी चॅम्पियन्स ट्रॉफी २०२५ चा पहिला सामना १९ फेब्रुवारीला पाकिस्तान आणि न्यूझीलंडमध्ये होणार आहे. भारतीय संघ २० फेब्रुवारीला बांगलादेशविरुद्ध पहिला सामना खेळेल. जिओहॉटस्टारवर या स्पर्धेचे थेट प्रक्षेपण होईल, ज्यामध्ये १६ फीड्सद्वारे विविध भाषांमध्ये सामना पाहता येईल. भारताचे सामने २० फेब्रुवारीला बांगलादेश, २३ फेब्रुवारीला पाकिस्तान आणि २ मार्चला न्यूझीलंडविरुद्ध असतील.

Trading scam in pune
19 / 31

व्हॅटसॲपवर ट्रेडिंगच्या टीप्स, पुण्यातील व्यावसायिकाने गमावले तब्बल कोट्यवधी रुपये!

पुण्यातील ६७ वर्षीय उद्योजकाला ऑनलाइन शेअर ट्रेडिंग फसवणुकीत १.८६ कोटी रुपयांचे नुकसान झाले. त्यांनी स्टॉक मार्केट ॲप वापरून २० व्यवहार केले, ज्यात ५४ कोटी रुपयांच्या नफ्याचे आमिष दाखवले होते. फसवणूक लक्षात आल्यानंतर त्यांनी सायबर पोलीस ठाण्यात तक्रार दाखल केली. २०२४ मध्ये पुणे पोलिसांनी १२८ शेअर ट्रेडिंग फसवणुकीचे गुन्हे नोंदवले, ज्यात १४३ कोटी रुपयांची फसवणूक झाली.

ICC Champions Trophy 2025 Schedule Fixtures in Marathi
20 / 31

चॅम्पियन्स ट्रॉफी २०२५ चे वेळापत्रक! भारताचे सामने कधी असणार? जाणून घ्या सामन्याची वेळ

आठ वर्षांनंतर आयसीसी चॅम्पियन्स ट्रॉफी यंदा २०२५ मध्ये खेळवली जाणार आहे. पाकिस्तान यजमान असून भारताचे सामने दुबईत होणार आहेत. स्पर्धेत आठ संघ दोन गटांमध्ये विभागले आहेत. पहिला सामना पाकिस्तान वि न्यूझीलंड १९ फेब्रुवारीला होईल. उपांत्य फेरीसाठी दोन गटांतील अव्वल दोन संघ पात्र ठरतील. अंतिम सामना ९ मार्चला लाहोर येथे होईल, परंतु भारत अंतिम फेरीत पोहोचल्यास सामना दुबईत होईल.

Pushpa actor Daali Dhananjaya marries doctor Dhanyatha Gauraklar
21 / 31

प्रसिद्ध अभिनेत्याने डॉक्टर तरुणीशी बांधली लग्नगाठ, विवाह सोहळ्यातील फोटो पाहिलेत का?

अल्लू अर्जुनच्या 'पुष्पा: द रुल'ने बॉक्स ऑफिसवर तुफान कमाई केली. ५ डिसेंबर २०२४ रोजी प्रदर्शित झालेल्या या चित्रपटाने १७४०.९५ कोटी रुपयांची कमाई केली. 'जाली रेड्डी'ची भूमिका साकारणारा अभिनेता डाली धनंजयने म्हैसूरमध्ये डॉ. धन्यता गौरकलरसोबत लग्न केले. धनंजय सध्या 'उत्तरकांडा' या आगामी कन्नड ॲक्शन ड्रामासाठी तयारी करत आहे.

sensex today nifty50 down
22 / 31

सेन्सेक्सची पडझड थांबेना, गुंतवणूकदारांची प्रतिक्षा संपेना; शेअर बाजारात ‘अच्छे दिन’…

अमेरिकेचे राष्ट्राध्यक्ष डोनाल्ड ट्रम्प यांच्या निर्णयांमुळे जागतिक शेअर बाजारात मोठी घसरण झाली आहे. भारतीय बाजारपेठेत निफ्टी आणि सेन्सेक्समध्ये सतत घसरण दिसून येत आहे. सोमवारी निफ्टीने नवा विक्रम प्रस्थापित केला तर सेन्सेक्स ५९०.५७ अंकांनी कोसळला. आंतरराष्ट्रीय स्तरावर सुधारणा दिसत असून युक्रेन-रशिया युद्ध संपण्याची चिन्हे आहेत. गुंतवणूकदारांचे लक्ष आता आरबीआयच्या पतधोरण समितीच्या बैठकीकडे आहे.

prateik babbar wife priya banerjee breaks silence on not inviting raj babbar family
23 / 31

बब्बर कुटुंबाला लग्नात न बोलावण्याबद्दल प्रतीक बब्बरच्या बायकोने सोडलं मौन, म्हणाली…

अभिनेता प्रतीक बब्बरने व्हॅलेंटाईन डेला (१४ फेब्रुवारी २०२५) प्रिया बॅनर्जीबरोबर दुसरं लग्न केलं. हे लग्न त्याच्या दिवंगत आई स्मिता पाटील यांच्या मुंबईतील घरात झालं. प्रिया बॅनर्जीचे कुटुंबीय आणि स्मिता पाटील यांच्या माहेरची मंडळी उपस्थित होती, मात्र बब्बर कुटुंबाला निमंत्रण नव्हतं. प्रतीकच्या सावत्र भावाने नाराजी व्यक्त केली. प्रिया बॅनर्जीने लग्नात बब्बर कुटुंबाला न बोलावण्याबद्दल स्पष्टीकरण दिलं.

Relatives wait outside the airport ahead of the second batch of the immigrants' arrival from the US, in Amritsar, Saturday
24 / 31

लाखो रुपये भरूनही अमेरिकेत डंकीमार्गे पोहोचलेल्या तरुणांची करुण कहाणी!

अमेरिकेत अवैधरित्या राहणाऱ्या भारतीय नागरिकांना अमेरिकेच्या लष्करी विमानाने माघारी पाठवले जात आहे. गोव्यातील दोन तरुणांनी फसवणूक झाल्याचे सांगितले. एजंटने त्यांच्याकडून लाखो रुपये उकळून, मेक्सिकोमार्गे अमेरिकेत पाठवले. तिथे छळ सहन करावा लागला. अमेरिकन सीमा गस्त पथकाने पकडून २० दिवस डिटेंशन सेंटरमध्ये ठेवले. गोवा पोलिसांनी चौकशी सुरू केली आहे.

New Delhi Railway Station Stampede Update in Marathi
25 / 31

दोन चिमुकल्यांना वाचवलं, पण स्वत:च्या मुलीला गमावलं; दिल्ली चेंगराचेंगरीत…

प्रयागराज एक्स्प्रेससाठी निघालेल्या भाविकांमध्ये नवी दिल्ली रेल्वे स्थानकावर चेंगराचेंगरी होऊन १८ जणांचा मृत्यू झाला. शनिवारी रात्री १५ फेब्रुवारी रोजी ही घटना घडली. ओपल सिंह यांच्या ७ वर्षांच्या मुलीचा यात दुर्दैवी मृत्यू झाला. उद्घोषणांमुळे गोंधळ निर्माण होऊन चेंगराचेंगरी झाली, अशी प्राथमिक माहिती आहे. रेल्वे प्रशासनाने चौकशीचे आदेश दिले आहेत.

Netflix Bloodhounds actress Kim Sae Ron
26 / 31

अभिनेत्रीचा २४ व्या वर्षी मृत्यू, घरात आढळला मृतदेह; पोलिसांनी दिली माहिती

ओटीटी February 17, 2025

दक्षिण कोरियाची अभिनेत्री किम से रॉन, जी 'ब्लडहाउंड्स' सीरिजमधील भूमिकेसाठी ओळखली जात होती, तिचे निधन झाले आहे. ती २४ वर्षांची होती आणि तिचा मृतदेह सियोल येथील घरी सापडला. पोलिसांनी तिच्या मृत्यूचे कारण शोधण्यासाठी तपास सुरू केला आहे. किमने नऊ वर्षांची असताना करिअरची सुरुवात केली होती आणि अनेक चित्रपट व वेब सीरिजमध्ये महत्त्वाच्या भूमिका साकारल्या होत्या. तिच्या निधनानंतर चाहत्यांमध्ये शोककळा पसरली आहे.

upi payments chargeback system news in marathi
27 / 31

UPI पेमेंट करताय? मग ‘हा’ बदल तुमच्यासाठी महत्त्वाचा; Chargeback मुळे प्रतिक्षेतून सुटका!

बहुतांश मोबाईलधारक यूपीआय पेमेंटचा वापर करतात, ज्यात पेटीएम, फोन पे, जीपे, अॅमेझॉन पे यांसारखे पर्याय आहेत. यूपीआय व्यवस्थेत १५ फेब्रुवारीपासून NPCI ने तांत्रिक बदल केला आहे, ज्यामुळे चार्जबॅक प्रक्रियेत सुधारणा झाली आहे. नव्या TCC प्रणालीमुळे तांत्रिक बिघाड झाल्यास पैसे लवकर परत मिळतील, परिणामी ग्राहकांना त्यांच्या पैशांसाठी जास्त वेळ वाट पाहावी लागणार नाही.

New Delhi Railway Station Stampede Update in Marathi
28 / 31

रेल्वे प्रशासनाने ‘त्या’ संकेताकडे दुर्लक्ष केलं नसतं तर चेंगराचेंगरी टळली असती!

नवी दिल्ली रेल्वे स्थानकावर शनिवारी रात्री झालेल्या चेंगराचेंगरीत १८ जणांचा मृत्यू झाला, ज्यात ११ महिला आणि ५ मुलांचा समावेश आहे. या घटनेत अनेक जण जखमी झाले असून, त्यांच्यावर उपचार सुरू आहेत. घटनेच्या दिवशी ६ ते ८ वाजेपर्यंत २६०० अतिरिक्त तिकिटे बुक झाली होती. रेल्वे प्रशासनाने नियोजन केले असते तर ही घटना टाळता आली असती. चौकशी सुरू आहे.

Chhaava Box Office Collection Day 3
29 / 31

Chhaava : ‘छावा’च्या कलेक्शनमध्ये तिसऱ्या दिवशी मोठी वाढ, एकूण कलेक्शन किती? वाचा…

'छावा' चित्रपटाची प्रेक्षकांमध्ये खूप उत्सुकता होती आणि १४ फेब्रुवारीला रिलीज झाल्यानंतर त्याला तुफान प्रतिसाद मिळाला. छत्रपती संभाजी महाराजांच्या शौर्य गाथेवर आधारित या चित्रपटाने पहिल्या दिवशी ३३.१ कोटी, दुसऱ्या दिवशी ३९.३ कोटी, आणि तिसऱ्या दिवशी ४८.५ कोटी रुपये कमावले. तीन दिवसांत भारतात एकूण ११६.५ कोटींची कमाई झाली आहे.

Santosh Juvekar post about Chhaava collection
30 / 31

“मला या आकड्यांपेक्षा…”, संतोष जुवेकरची ‘छावा’च्या कमाईबद्दलची पोस्ट चर्चेत!

बॉलीवूड February 17, 2025

संतोष जुवेकरने 'छावा' चित्रपटाच्या दोन दिवसांच्या कमाईचे आकडे शेअर करत एक पोस्ट केली आहे. 'छावा' चित्रपटाने दोन दिवसांत ७२.४ कोटी कमावले आहेत. संतोषने प्रेक्षकांचे आभार मानत, "माझ्या मायबाप प्रेक्षकांचा आकडा बघायला आवडेल," असे कॅप्शन दिले आहे. चाहत्यांनी संतोषच्या पोस्टवर लाइक्स व कमेंट्सचा वर्षाव केला आहे. विकी कौशल, रश्मिका मंदाना आणि इतर कलाकारांच्या अभिनयाचेही कौतुक होत आहे.

Fussclass Dabhade OTT Release Update
31 / 31

हेमंत ढोमेचा ‘फसक्लास दाभाडे’ OTT वर प्रदर्शित, पण….; कुठे पाहता येणार सिनेमा? वाचा

ओटीटी February 17, 2025

हेमंत ढोमे दिग्दर्शित 'फसक्लास दाभाडे' हा चित्रपट जानेवारीत प्रदर्शित झाला होता आणि प्रेक्षकांचा चांगला प्रतिसाद मिळाला होता. दाभाडे कुटुंबाची मजेदार गोष्ट आणि त्यांच्या आंबट-गोड नातेसंबंधांनी प्रेक्षकांना भुरळ घातली. आता हा चित्रपट प्राईम व्हिडीओवर ओटीटी प्लॅटफॉर्मवर उपलब्ध आहे. क्षिती जोग, सिद्धार्थ चांदेकर, अमेय वाघ यांसारख्या कलाकारांनी यात भूमिका साकारल्या आहेत.