Saif Ali Khan News
1 / 31

अभिनेता सैफ अली खानवर हल्ला करण्यासाठी वापरण्यात आलेला चाकू जप्त

बॉलीवूड January 19, 2025

बॉलीवूड अभिनेता सैफ अली खानवर गुरुवारी मध्यरात्री त्याच्या घरात हल्ला झाला. हल्लेखोराने चाकूने सहा वार केले, ज्यामुळे सैफ गंभीर जखमी झाला. पोलिसांनी एका संशयिताला ताब्यात घेतले असून हल्ल्यात वापरलेला चाकू फॉरेन्सिक तपासणीसाठी पाठवला आहे. सैफवर दोन शस्त्रक्रिया झाल्या असून त्याची प्रकृती सुधारते आहे.

Swipe up for next shorts
As compared to the 2020 Assembly elections, the BJP’s 2025 vote share rose by 8 percentage points
2 / 31

दिल्लीत पुरुष मतदार भाजपाकडे वळले तर महिलांची मतं ‘आप’कडे जास्त का राहिली?

दिल्ली विधानसभेच्या निवडणुकीत भाजपाने ४८ जागा जिंकून सत्ता मिळवली आहे. महिलांची मतं आपकडे वळली तर पुरुषांची मतं भाजपाला मिळाली, ज्यामुळे भाजपाचा विजय झाला. लोकनिती सीएसडीएसच्या सर्व्हेनुसार, ५१% पुरुष मतदारांनी भाजपाला मतदान केलं, तर ४९% महिलांनी आपला पाठिंबा दिला. भाजपाने महिला समृद्धी योजना जाहीर केली होती, परंतु आपच्या योजनांमुळे महिलांची मतं आपकडे राहिली.

Swipe up for next shorts
how to check car tyre conditions tips to know tyre air pressure car tips
3 / 31

‘या’ गोष्टींकडे करू नका अजिबात दुर्लक्ष! नाहीतर चालत्या गाडीचा फुटेल टायर…

ऑटो 2 hr ago

How to check car tyre conditions: कोणत्याही वाहनासाठी, त्याचे टायर आणि इतर पार्ट्स चांगल्या स्थितीत असणे खूप महत्वाचे आहे. जर गाडीचे टायर चांगल्या स्थितीत नसतील तर गाडी रस्त्यावर व्यवस्थित चालणार नाही. म्हणून, तुमच्या वाहनाच्या टायर्सची नेहमी काळजी घ्या आणि वेळोवेळी ते तपासत राहा. अशा परिस्थितीत, आज आम्ही तुम्हाला त्या लक्षणांबद्दल सांगणार आहोत ज्याद्वारे तुम्ही तुमच्या कारच्या टायर्सची स्थिती जाणून घेऊ शकता.

Swipe up for next shorts
Read Vegetables that cure diabetes
4 / 31

Vegetables that Cure Diabetes मधुमेहावरचा उपचार आहेत ‘या’ भाज्या!

मधुमेहावर औषधाविना उपचार करण्यासाठी काही भाज्या उपयुक्त ठरतात. तांबडा भोपळा पचायला हलका असून, रसधातू वाढवतो. दुध्या भोपळा वजन कमी करण्यास मदत करतो आणि मधुमेहावर गुणकारी आहे. दोडका पथ्यकर असून, पोटदुखी, खोकला, कफ यावर उपयुक्त आहे. पडवळ मधुमेह, पित्तविकार, आणि कफ विकारांवर गुणकारी आहे. या भाज्यांचा नियमित आहारात समावेश केल्यास विविध विकारांवर उपचार होऊ शकतो.

Hate Speech News
5 / 31

भारतात २०२४ मध्ये अल्पसंख्याकांविरोधातील द्वेषयुक्त भाषणांचं प्रमाण ७४ टक्क्यांनी वाढलं

वॉशिंग्टनच्या इंडिया हेट लॅबच्या अहवालानुसार, २०२४ मध्ये भारतात मुस्लिम आणि अल्पसंख्याकांविरोधात द्वेषयुक्त भाषणांमध्ये ७४ टक्के वाढ झाली आहे. लोकसभा निवडणुकीच्या काळात ही वाढ विशेषतः दिसून आली. २०२४ मध्ये १,१६५ द्वेषपूर्ण भाषणांच्या घटना नोंदवल्या गेल्या, जे २०२३ च्या तुलनेत खूप जास्त आहे. डोनाल्ड ट्रम्प आणि नरेंद्र मोदी यांच्या भेटीच्या पार्श्वभूमीवर हा अहवाल महत्त्वाचा मानला जातो.

actress shweta rohira health update after accident
6 / 31

अपघातात गंभीर जखमी झालीये अभिनेत्री, फोटो केले पोस्ट, चेहरा ओळखणंही कठीण

अभिनेत्री श्वेता रोहिरा, अभिनेता पुलकित सम्राटची पहिली पत्नी, हिचा काही दिवसांपूर्वी भीषण अपघात झाला. श्वेता गंभीर जखमी झाली असून तिने रुग्णालयातील फोटो शेअर करून अपघाताबद्दल माहिती दिली. आता तिला रुग्णालयातून डिस्चार्ज मिळाला आहे. श्वेताने इन्स्टाग्रामवर फोटो पोस्ट केले असून तिच्या चाहत्यांनी पाठवलेले पुष्पगुच्छ दिसत आहेत. श्वेताने या कठीण काळात हार न मानण्याचा निर्धार व्यक्त केला आहे.

ajay devgn
7 / 31

“१८ वर्षांपासून तो माझ्याशी बोलला नाही…”, अजय देवगणबद्दल प्रसिद्ध दिग्दर्शकाचा मोठा खुलासा; कारण काय?

दिग्दर्शक अनुभव सिन्हा यांनी 'द लल्लनटॉप'ला दिलेल्या मुलाखतीत अभिनेता अजय देवगणबरोबरच्या १८ वर्षांच्या अबोलाबद्दल भाष्य केलं. २००७ मध्ये आलेल्या 'कॅश' चित्रपटानंतर अजयने संवाद साधला नसल्याचं त्यांनी सांगितलं. सिन्हा यांनी काही वेळा संवाद साधण्याचा प्रयत्न केला, पण अजयने प्रतिसाद दिला नाही. दोघांमध्ये कोणताही वाद नसल्याचं त्यांनी स्पष्ट केलं.

Indias got latent
8 / 31

इंडियाज गॉट लेटेंट कार्यक्रमाचं नेमकं स्वरुप काय?

प्रसिद्ध यूट्यूबर रणवीर अलाहबादियाने समय रैनाच्या ‘इंडियाज गॉट लेटेंट’ शोमध्ये अश्लील टिप्पणी केल्यानंतर देशभरात संताप व्यक्त झाला आहे. मुंबई आणि आसाममध्ये रणवीर, अपूर्वा मखीजा, समय रैना यांच्याविरोधात तक्रार दाखल झाली आहे. 'इंडियाज गॉट लेटेंट' हा शो समय रैनाने यूट्यूबवर लाँच केला असून, यात स्पर्धकांना त्यांच्या अनोख्या कौशल्यांचे प्रदर्शन करण्याची संधी दिली जाते. शोमध्ये डार्क कॉमेडी आणि अश्लील टिप्पण्या केल्या जातात.

fake news research
9 / 31

फेक न्यूज पसरवण्यामध्ये कट्टर उजवे कट्टर डाव्यांपेक्षा जास्त कार्यक्षम!

फेक न्यूज हे सध्या मोठं आव्हान बनलं आहे. युनिव्हर्सिटी ऑफ अॅमस्टरडॅमच्या पीटर टॉर्नबर्ग आणि फ्री युनिव्हर्सिटीच्या जुलियाना शूएरी यांनी केलेल्या अभ्यासानुसार, कट्टर उजव्या विचारसरणीचे लोकानुनयी राजकारणी लोकशाही डळमळीत करण्यासाठी फेक न्यूजचा वापर करतात. २०१७ ते २०२२ या काळातील ३.२ कोटी ट्वीट्सचा अभ्यास करून त्यांनी निष्कर्ष काढला की उजव्या विचारसरणीचे नेते डाव्यांपेक्षा जास्त फेक न्यूज पसरवतात.

ranveer allahbadia statement row Javed Akhtar poetry comment
10 / 31

रणवीर अलाहाबादिया प्रकरणादरम्यान जावेद अख्तरांची मार्मिक टिप्पणी व्हायरल; म्हणाले, शिवी…

युट्यूबर रणवीर अलाहाबादियाने समय रैनाच्या शोमध्ये एका स्पर्धकाला विचारलेल्या आक्षेपार्ह प्रश्नामुळे वाद निर्माण झाला आहे. रणवीरने माफी मागितली असली तरी पोलिसांनी चौकशी सुरू केली आहे. याचदरम्यान, जावेद अख्तर यांचा एक व्हिडीओ व्हायरल होत आहे ज्यात ते विनोदात अपशब्द वापरण्याबद्दल मत मांडत आहेत. रणवीरच्या प्रश्नामुळे त्याच्यावर तक्रारी दाखल झाल्या असून, युट्यूबने हा व्हिडीओ हटवला आहे.

PM Narendra Modi Speech in Paris
11 / 31

पंतप्रधान नरेंद्र मोदींचं वक्तव्य, “AI मुळे रोजगाराच्या अनेक संधी निर्माण होतील आणि…

पंतप्रधान नरेंद्र मोदी फ्रान्सच्या दौऱ्यावर असून, पॅरीसला पोहचल्यावर त्यांचं जोरदार स्वागत झालं. त्यांनी AI समिटमध्ये भाषण करताना AI ही काळाची गरज असल्याचं सांगितलं. मोदींनी AI मुळे रोजगाराच्या नव्या संधी निर्माण होतील असं म्हटलं. AI कोड फॉर ह्युमॅनिटी लिहितो आहे, असंही त्यांनी नमूद केलं. AI बाबत सखोल चर्चा होणं आवश्यक असल्याचं मोदींनी सुचवलं.

ranveer allahbadia on indias got latent video
12 / 31

रणवीर अलाहाबादियाच्या वक्तव्याचे पडसाद संसदेत,अश्लील जोकच्या मुद्द्यावरुन कोण काय म्हणालं?

रणवीर अलाहाबादियाच्या वक्तव्यामुळे संसदेत गदारोळ झाला आहे. विरोधकांनी त्याच्यावर कठोर कारवाईची मागणी केली आहे. बीजू जनता दलाचे खासदार एम. पी. पात्रा आणि शिवसेना ठाकरे गटाच्या खासदार प्रियांका चतुर्वेदी यांनी रणवीरच्या वक्तव्यावर तीव्र प्रतिक्रिया दिली आहे. रणवीरने एका स्पर्धकाला विचारलेल्या अश्लील प्रश्नामुळे त्याच्या अडचणी वाढल्या आहेत. संसदीय समितीने त्याला नोटीस बजावली असून, त्याच्यावर कारवाई होण्याची शक्यता आहे.

aam aadmi party meeting today
13 / 31

‘आप’ पंजाबचे मुख्यमंत्री बदलणार? अरविंद केजरीवालांच्या बैठकीनंतर भगवंत मान म्हणाले…

दिल्ली विधानसभा निवडणुकीत आम आदमी पक्षाचा पराभव झाल्यानंतर पंजाबमधील 'आप' सरकारबद्दल वावड्या उठत आहेत. भाजपाचे नेते मजिंदर सिंग सिरसा यांनी दावा केला की, अरविंद केजरीवाल भगवंत मान यांना मुख्यमंत्रीपदावरून हटवू इच्छित आहेत. मात्र, भगवंत मान यांनी या दाव्यावर मोठी प्रतिक्रिया दिली आहे.

YouTube removes Ranveer Allahbadia controversial video
14 / 31

रणवीर अलाहाबादियाच्या ‘त्या’ आक्षेपार्ह व्हिडीओसंदर्भात युट्यूबने केली मोठी कारवाई

Ranveer Allahbadia Controversy: सध्या लोकप्रिय युट्यूबर आणि पॉडकास्टर रणवीर अलाहाबादिया हा खूप चर्चेत आला आहे. काही दिवसांपूर्वी रणवीर केलेल्या आक्षेपार्ह वक्तव्यावरून त्याच्यावर चहूबाजूने टीका होतं आहे. रणवीरवर कठोर कारवाई करण्याची मागणी केली जात आहे. यासंदर्भात रणवीर अलाहाबादियाने माफी मागितली असली तरी त्याच्या अडचणी आणखी वाढताना दिसत आहे. आता रणवीरच्या त्या वादग्रस्त वक्तव्यानंतर युट्यूबने मोठी कारवाई केली आहे.

stock market crash
15 / 31

सेन्सेक्स ११०० अंकांनी कोसळला; गुंतवणूकदारांचे १० लाख कोटी गायब

गेल्या आठवड्यापासून शेअर बाजारात निरुत्साह दिसत असून, सेन्सेक्स आणि निफ्टी घसरत आहेत. सोमवारी मोठी घसरण झाल्यानंतर मंगळवारीही बाजाराची सुरुवात निराशाजनक झाली. सेन्सेक्स १,१०६ अंशांनी आणि निफ्टी ३४९ अंशांनी घसरले. अमेरिकेचे राष्ट्राध्यक्ष डोनाल्ड ट्रम्प यांनी स्टिल आणि अल्युमिनियमवरील आयात शुल्क वाढवले, तसेच विदेशी वित्त संस्थांनी भारतीय बाजारातून गुंतवणूक काढून घेतल्याने बाजारावर परिणाम झाला आहे.

TV Couple Mehna Raami Indraneel Love Story
16 / 31

अभिनेत्रीने मालिकेतील जावयाशी केलेलं लग्न, वयात अंतर अन् मूल नसण्याबद्दल म्हणाली…

प्रेमाला वयाचं बंधन नसतं असं म्हणतात, हे इंद्रनील व मेघना रामी यांच्या प्रेमकथेने सिद्ध केलं. 'चक्रवगम' या तेलुगू मालिकेत सासू-जावयाच्या भूमिकेत काम करताना प्रेमात पडलेल्या या जोडप्याने वयातील अंतर असूनही लग्न केलं. त्यांना टीकेचा सामना करावा लागला, पण त्यांनी २० वा लग्नाचा वाढदिवस साजरा केला. मेघनाला ट्रोलिंगचा सामना करावा लागला, पण पतीच्या पाठिंब्यामुळे ती तणावावर मात करू शकली.

Kareena Kapoors Nutritionist told three Essential Foods
17 / 31

करीना कपूरच्या न्युट्रिशनिस्ट सांगितले प्रत्येक महिलांनी खावेत असे ३ महत्त्वाचे पदार्थ

करीना कपूर खानची न्युट्रिशनिस्ट ऋजुता दिवेकर सांगतात की, दररोजच्या धावपळीच्या आयुष्यात अनेकदा महिलांना नाश्ता बनवायला वेळ मिळत नाही, अशावेळी स्त्रियांना सहज बनवता येईल असे सोपे आणि आवश्यक अन्नपदार्थांचे त्यांनी पर्याय सांगितले आहेत. जाणून घेऊ या.

Germen Bakery News
18 / 31

पुण्यातील जर्मन बेकरीच्या मालकिणीने सांगितली नकोशी आठवण, “१५ वर्षांपूर्वीचा तो दिवस…”

१३ फेब्रुवारी २०१० रोजी पुण्यातील जर्मन बेकरीत झालेल्या स्फोटात १७ जणांचा मृत्यू झाला आणि ५८ जण जखमी झाले. बेकरीच्या मालकीण स्मिता खरोसे आणि त्यांची मुलगी स्नेहल यांनी या घटनेच्या आठवणी सांगितल्या. स्फोटानंतर बेकरी तीन वर्षे बंद होती, ज्यामुळे आर्थिक अडचणी आल्या. स्नेहल यांनी सांगितलं की, त्या घटनेनंतर त्या दोन-तीन महिने झोपू शकल्या नाहीत.

turupati laddu controversy
19 / 31

तिरुपती मंदिर लाडू वाद: चार जणांना अटक, बंदी घातलेल्या डेअरीकडून तुपाचा पुरवठा!

गेल्या वर्षी तिरुपती देवस्थानमध्ये प्रसादासाठी वापरण्यात येणाऱ्या लाडूंच्या तुपात प्राण्यांच्या चरबीचे अंश सापडल्यामुळे वाद निर्माण झाला होता. पाच महिन्यांनंतर सीबीआयने चार जणांना अटक केली आहे. भोले बाबा डेअरीला काळ्या यादीत टाकूनही त्यांनी बनावट कंपन्यांच्या माध्यमातून तूप पुरवठा चालू ठेवला होता. तिरुपती देवस्थानने १५ हजार किलो तुपाचा वापर केला होता.

Congress vs AAP Gujarat
20 / 31

‘आप’चा दिल्लीतील पराभव गुजरातमध्ये काँग्रेसच्या पथ्यावर कसा पडणार?

दिल्ली विधानसभा निवडणुकीत आम आदमी पक्ष आणि काँग्रेसचा पराभव झाला असला तरी गुजरातमधील काँग्रेससाठी ही आनंदाची बातमी आहे. २०२२ च्या गुजरात विधानसभा निवडणुकीत 'आप'ने काँग्रेसला मोठा धक्का दिला होता. 'आप'च्या एंट्रीमुळे काँग्रेसची ताकद घटली आणि विरोधी पक्षनेतेपदही मिळाले नाही.

Marathi actress Prajakta Gaikwad visit maha kumbh mela 2025 in prayagraj
21 / 31

प्राजक्ता माळीनंतर ‘या’ लोकप्रिय मराठी अभिनेत्रीने महाकुंभ मेळ्यात केलं पवित्र स्नान

काही दिवसांपूर्वी अभिनेत्री प्राजक्ता माळी महाकुंभ मेळ्याला पोहोचली होती. यावेळी तिने स्वामी गोविंद देव गिरी महाराजांचं दर्शन घेतलं. तसंच त्यांच्याकडून महाकुंभ मेळ्याविषयी जाणून घेतलं. याचा व्हिडीओ प्राजक्ता माळीने सोशल मीडियावर शेअर केला आहे. प्राजक्ता माळीनंतर आता आणखीन लोकप्रिय अभिनेत्री प्रयागराजमध्ये पोहोचली आहे. यासंदर्भात तिने नुकतीच सोशल मीडियावर पोस्ट शेअर केली आहे.

China man revived after heart attack
22 / 31

रेल्वे स्थानकावर आला हृदयविकाराचा झटका; शुद्धीवर येताच म्हणाला, ‘मला कामाला जाऊ द्या’

चीनच्या हुनान प्रांतातील चांगशा रेल्वे स्थानकावर ४ फेब्रुवारी रोजी एका ४० वर्षीय व्यक्तीला हृदयविकाराचा झटका आला. प्राथमिक उपचारानंतर शुद्धीवर आल्यावरही तो कामावर जाण्याचा आग्रह धरत होता. या घटनेची सोशल मीडियावर जोरदार चर्चा झाली. चीनमधील बेरोजगारीचे संकटही या घटनेमुळे चर्चेत आले आहे.

rinku rajguru Krishnaraaj Dhananjay Mahadik photo from Mahalaxmi Temple Kolhapur
23 / 31

खासदाराच्या मुलाने शेअर केला रिंकू राजगुरूबरोबरचा फोटो, कॅप्शन चर्चेत

'सैराट' फेम रिंकू राजगुरूचा मोठा चाहतावर्ग आहे आणि ती सोशल मीडियावर सक्रिय असते. भाजपा खासदार धनंजय महाडिक यांचे सुपूत्र कृष्णराज महाडिक यांनी रिंकूबरोबरचा फोटो इन्स्टाग्रामवर पोस्ट केला आहे. हा फोटो श्री महालक्ष्मी मंदिराबाहेरचा असून, सोशल मीडियावर चर्चेत आहे. नेटकऱ्यांनी विविध कमेंट्स केल्या आहेत. रिंकू 'राजर्षी शाहू महोत्सवा'साठी कोल्हापुरात गेली होती आणि अंबाबाई मंदिरात दर्शन घेतले होते.

delhi woman chief minister
24 / 31

दिल्लीत पुन्हा ‘महिलाराज’? मुख्यमंत्रीपदासाठी ‘या’ महिला आमदारांची नावं चर्चेत!

दिल्ली विधानसभेत भाजपाच्या ऐतिहासिक विजयानंतर मुख्यमंत्रीपदाची चर्चा जोरात आहे. भाजपाने ७० पैकी ४८ जागा जिंकल्या असून, आम आदमी पक्षाला २२ जागा मिळाल्या. महिला मुख्यमंत्री होण्याची शक्यता वर्तवली जात आहे, ज्यात रेखा गुप्ता, शिखा रॉय, पूनम शर्मा आणि नीलम पेहलवान यांच्या नावांचा समावेश आहे. परवेश वर्मा उपमुख्यमंत्री होऊ शकतात. पंतप्रधान मोदींच्या परतल्यानंतर मुख्यमंत्रीपदाचा निर्णय होईल.

Maghi Purnima Snan Maha Kumbh 2025 New Traffic Rules
25 / 31

महाकुंभ येथे महाजाम, चेंगराचेंगरी टाळण्याकरता वाहतुकीचे नियम जारी

माघी पौर्णिमेनिमित्त प्रयागराज येथे मोठी गर्दी होण्याची शक्यता आहे. २९ जानेवारी रोजी मौनी अमावस्येदिवशी झालेल्या चेंगराचेंगरीत ३० भाविकांचा मृत्यू झाल्याने प्रशासनाने वाहतुकीवर निर्बंध लादले आहेत. ११ फेब्रुवारीपासून नो व्हेईकल झोन जाहीर करण्यात आला आहे. मुख्यमंत्री योगी आदित्यनाथ यांनी सुव्यवस्थित वाहतूक व्यवस्थेचे निर्देश दिले आहेत. भाविकांना ८-१० किमी पायी प्रवास करावा लागू शकतो.

surya arun gochar 2025
26 / 31

सूर्य-अरुण युतीने ‘या’ राशींच्या लोकांना करिअरमध्ये प्रगती अन् मिळणार भरपूर पैसा

वैदिक ज्योतिषशास्त्रानुसार, ग्रहांचा राजा सूर्य दर महिन्याला राशिबदल करतो. यावेळी अनेकदा ग्रहाशी युती होते किंवा शुभ राजयोग निर्माण होतो. त्यात सूर्याला सन्मान, नेतृत्व क्षमता, ऊर्जेचा कारक मानले जाते. सूर्य देव १२ फेब्रुवारी रोजी रात्री १२ वाजून ५७ मिनिटांनी अरुण ग्रहासमोर ९० अंशांवर असेल. त्यामुळे केंद्र राजयोग तयार होईल. या राजयोगाच्या निर्मितीमुळे १२ पैकी तीन राशींना आर्थिक लाभासह प्रत्येक क्षेत्रात अपार यश मिळू शकते.

Industrialist Harsh Goenka pokes fun at his honey-lemon water experiment
27 / 31

Harsh Goenka : वजन कमी करण्यासाठी दोन महिने हर्ष गोयंका मधासह लिंबू पाणी प्यायले, पण…

Harsh Goenka : वजन कमी करण्यासाठी अनेक जण विविध उपाय करतात. त्यातलाच एक लोकप्रिय उपाय म्हणजे कोमट पाण्यात मध आणि लिंबाचा रस टाकून पिणे. हे वजन कमी करण्यासाठी फायदेशीर असल्याचे मानले जाते. अनेकांच्या मते, या पेयाने दिवसाची सुरुवात केल्याने चयापचय क्षमता वाढते, फॅट्स कमी होते आणि शरीर सुदृढ होते. उद्योगपती व आरपीजी समूहाचे अध्यक्ष हर्ष गोयंका यांनी मात्र या लोकप्रिय पेयाविषयी आपला अनुभव सांगितला आहे.

Arijit Singh takes Ed Sheeran on a scooter ride watch video
28 / 31

Video: अरिजीत सिंहच्या घरी पोहोचला Ed Sheeran, स्कूटरवर दोघांची भटकंती पाहून भारावले चाहते

अरिजीत सिंह, भारतातील लोकप्रिय गायक, आपल्या साधेपणासाठी ओळखला जातो. सध्या तो एड शीरनसोबत स्कूटरवर फिरल्यामुळे चर्चेत आहे. एड शीरन 'द मॅथेमॅटिक्स टूर'साठी भारतात आहे. दोघांनी पश्चिम बंगालमधील जियागंज येथे स्कूटरवर फेरफटका मारला. व्हिडीओमध्ये अरिजीत स्कूटर चालवतोय आणि एड शीरन मागे बसला आहे. चाहत्यांनी त्यांच्या मैत्रीवर प्रेमाचा वर्षाव केला आहे.

surya enter in kumbha rashi
29 / 31

दोन दिवसानंतर सूर्य करणार शनीच्या राशीत प्रवेश ‘या’ तीन राशी कमावणार बक्कळ पैसा

सूर्याच्या कुंभ राशीत प्रवेशामुळे काही राशींवर शुभ परिणाम होतील. मेष राशीच्या व्यक्तींना यश, सुख, आणि मान-सन्मान मिळेल. वृषभ राशीच्या व्यक्तींना व्यवसायात प्रगती आणि नोकरीत प्रमोशन मिळण्याची शक्यता आहे. तूळ राशीच्या व्यक्तींना भौतिक सुख, आकस्मिक धनलाभ, आणि कुटुंबात आनंद मिळेल. पंचांगानुसार, सूर्य १३ फेब्रुवारी रोजी कुंभ राशीत प्रवेश करेल.

Sanam Teri Kasam Re-Release Collection
30 / 31

९ वर्षांपूर्वीच्या फ्लॉप चित्रपटाचा बॉक्स ऑफिसवर जलवा, ४ दिवसांत कमावले तब्बल ‘इतके’ कोटी

'सनम तेरी कसम' हा चित्रपट २०१६ साली फ्लॉप झाला होता, परंतु ७ फेब्रुवारी २०२५ रोजी पुन्हा प्रदर्शित झाल्यानंतर त्याने बॉक्स ऑफिसवर धुमाकूळ घातला आहे. पहिल्या वीकेंडमध्ये १८.५७ कोटींची कमाई करत, मूळ रिलीजपेक्षा जास्त यश मिळवले आहे. हर्षवर्धन राणे आणि मावरा होकेन यांच्या मुख्य भूमिका असलेल्या या चित्रपटाने नवीन चित्रपटांना मागे टाकले आहे. 'Badass रविकुमार' आणि 'लवयापा' यांची कमाई घटली आहे.

shopping gets shapped by emi and budget 2025 announcments
31 / 31

साबण झाले छोटे, टीव्ही झाले मोठे; भारतीय बाजारात ग्राहकांची खरेदीची पद्धत बदलू लागलीये!

केंद्रीय अर्थसंकल्प सादर केल्यानंतर प्राप्तिकरातील नव्या तरतुदींवर चर्चा सुरू झाली आहे. १२ लाखांपर्यंतचं उत्पन्न करमुक्त केल्यामुळे मध्यमवर्ग भाजपाकडे वळल्याचं निरीक्षण आहे. बाजारात ग्राहकांच्या खरेदी पद्धतीत बदल दिसत आहेत. लोक कमी आकाराच्या वस्तू खरेदी करत आहेत, तर महागड्या वस्तूंवर EMI चा वापर वाढला आहे. स्वस्त EMI मुळे महागड्या वस्तूंची खरेदी वाढली आहे.