गणेशोत्सवानंतर पुण्याचे बापट काय करणार ?
पुणे : खुल्या वातावरणात केवळ रात्री दहानंतरच नाही, तर दिवसाही ध्वनिवर्धकांवर बंदी असावी, यासाठी ध्वनिप्रदूषणविरोधी कायद्यात दुरुस्ती करणे गरजेचे आहे. त्यासाठी लोकसभा किंवा राज्यसभेत विधेयक मांडणार असून, काही लोकप्रतिनिधी संपर्कात असल्याचा दावा विद्यानंद बापट यांनी केला. कायद्यातील दुरुस्ती आणि त्याच्या कडक अंमलबजावणीसाठी न्यायालयातही याचिका दाखल करणार असल्याचे बापट यांनी ‘लोकसत्ता’शी बोलताना सांगितले.