शिरोमणी अकाली दलाचे अध्यक्ष आणि पंजाबचे माजी उपमुख्यमंत्री सुखबीर सिंग बादल यांच्यावर नांदेडच्या गुरुद्वारात निहंग गटाने शस्त्राने हल्ला केला. बादल आपल्या पत्नी हरसिमरत कौर बादल यांच्यासह गुरुद्वारात आले होते. एका निहंगाने तलवारीने त्यांच्या हतावर आणि खांद्यावर वार केला. सुरक्षा रक्षकांनी हस्तक्षेप करून हल्लेखोराला अटक केली. पुढील चौकशी सुरू आहे.
अमेरिकेच्या गृह सुरक्षा विभागाने सोशल मीडियावर पोस्ट केलेल्या एका जाहिरातीमुळे वाद निर्माण झाला आहे. या जाहिरातीत भारतीयांना देश सोडून जाण्याची धमकी देण्यात आली आहे. ट्रान्सफॉर्मर्स चित्रपटातील पात्रांचा आधार घेऊन ही पोस्ट तयार करण्यात आली आहे. हिंदू आणि शीख संघटनांनी या जाहिरातीचा विरोध केला आहे. होमलँड सिक्युरिटीने अवैध स्थलांतरितांविरोधात कारवाईचा भाग म्हणून ही पोस्ट केली आहे.
डी.जे. आणि लाऊड स्पीकरवर बंदी घालण्याची मागणी करणारे विद्यानंद बापट चर्चेत आहेत. पुण्यात याच मुद्द्यावर बोलताना त्यांना मारहाण झाली, तरी त्यांनी आपला निश्चय सोडलेला नाही. बापट म्हणतात की, उत्सवांमुळे होणारे ध्वनी प्रदूषण आणि रहदारीतील अडथळे संपवायचे आहेत. उत्सव साजरे करायला त्यांचा विरोध नाही, पण ते निरुपद्रवी असावेत. बापट यांना असा समाज हवा आहे जिथे एकाचा आनंद दुसऱ्यासाठी त्रासदायक ठरू नये.
मुंबईतील १९९३ च्या बॉम्बस्फोट प्रकरणातील आरोपी अबू सालेमला सुप्रीम कोर्टाने मोठा झटका दिला आहे. २५ वर्षांचा कारावास पूर्ण केल्याच्या आधारावर सुटका करण्याची विनंती करणारी याचिका सर्वोच्च न्यायालयाने फेटाळली आहे. सालेमने पोर्तुगालमधून भारतात आणताना दिलेल्या आश्वासनाचा उल्लेख केला होता, परंतु न्यायालयाने त्याला दिलासा दिला नाही. त्यामुळे सालेमला तुरुंगातच रहावे लागणार आहे.
मनसे अध्यक्ष राज ठाकरे यांनी राष्ट्रीय चित्रपट पुरस्कार सोहळा दिल्लीऐवजी गुजरातमध्ये होणार असल्यावरून केंद्र सरकारवर टीका केली आहे. त्यांनी मुंबई आणि दिल्लीच्या महत्त्वाला कमी करण्याचा प्रयत्न होत असल्याचा आरोप केला आहे. राज ठाकरेंनी विचारले की, पुरस्कार सोहळा मुंबईत का नाही आणला? त्यांनी नरेंद्र मोदी आणि अमित शाह यांच्यावर गुजरातला प्राधान्य देण्याचा आरोप केला आहे. राज ठाकरेंनी कलाकारांनी या विरोधात आवाज उठवावा, असे आवाहन केले आहे.
अमेरिकेतील भारतीय वंशाच्या अनुराधा आणि विकास सिन्हा यांनी उत्तर टेक्सास विद्यापीठाला १९१ कोटी रुपये दान केले आहेत. या निधीतून "अनुराधा आणि विकास सिन्हा कॉलेज ऑफ आर्टिफिशियल इंटेलिजन्स अँड ॲडव्हान्स ॲनालिटिक्स" स्थापन होणार आहे. या महाविद्यालयात शिष्यवृत्ती, प्राध्यापकांची पदे, उद्यमशीलता, संशोधन यासाठी निधी वापरला जाईल. हे महाविद्यालय ॲप्लाइड इंटेलिजन्स आणि इंफॉर्मेशन अँड लर्निंग ॲप्लीकेशन या दोन विभागांवर लक्ष केंद्रित करेल.
'विवाहसंबंधात पतीकडून होणारा बलात्कार' हा गुन्हा ठरविण्याच्या याचिकांवर सर्वोच्च न्यायालयात सुनावणी सुरू आहे. केंद्र सरकारने म्हटले आहे की, हा निर्णय संसदेच्या अधिकारक्षेत्रातील आहे. याचिकाकर्त्यांचा आक्षेप आहे की, विवाहित महिलांच्या शारीरिक स्वायत्ततेवर मर्यादा येतात. सरकारच्या मते, विवाहसंस्थेवर परिणाम होऊ शकतो आणि पाश्चात्त्य कायदे भारतात लागू करता येणार नाहीत. पुरावे सादर करण्यातील अडचणी आणि कायद्याच्या गैरवापराबाबतही सरकारने चिंता व्यक्त केली आहे.
ऐश्वर्या नारकर व अविनाश नारकर हे मराठी इंडस्ट्रीतील लोकप्रिय सेलिब्रिटी कपल आहेत. दोघेही अनेक वर्षे प्रेक्षकांचं मनोरंजन करत आहेत. ऐश्वर्या यांनी अविनाश यांच्या कौटुंबिक जबाबदाऱ्यांबद्दल कौतुक केलं आहे. ऐश्वर्या त्यांच्या आई-वडिलांच्या एकुलत्या कन्या असून, अविनाश यांच्यासोबत मोठ्या कुटुंबात संसार करत आहेत.
यंदाच्या गणेशोत्सवाला सुरुवातीलाच दुर्मिळ योग जुळून आला आहे. हरतालिका आणि गणेश चतुर्थी हे दोन्ही सण १४ सप्टेंबर रोजी एकाच दिवशी येणार आहेत. त्यामुळे हरतालिका पूजन आधी करायचे की गणेशमूर्तीची स्थापना, तसेच बाप्पांची षोडशोपचार पूजा नेमकी कोणत्या वेळी करावी, याबाबत भाविकांमध्ये संभ्रम निर्माण झाला आहे. याबाबत पंचांगकर्ते आणि खगोल अभ्यासक दा. कृ. सोमण यांनी स्पष्ट माहिती दिली आहे.
कल्याण - ठाणे येथील एका ज्येष्ठ नागरिक महिला दोन दिवसापूर्वी ठाणे ते तमीळनाडू कोनार्क एक्सप्रेसने नातेवाईकांसोबत प्रवास करत होत्या. एक्सप्रेस सोमवारी दुपारी कल्याण रेल्वे स्थानकात आली. ज्येष्ठ नागरिक महिला एक्सप्रेस डब्याच्या खिडकीत बसल्या होत्या. त्या फलाटाच्या दिशेने पाहत होत्या. अचानक एक इसम खिडकीजवळ आला. त्याने ज्येष्ठ नागरिक महिलेला काही कळू न देता क्षणार्धात या महिलेच्या गळ्यातील सोन्याची साखळी हिसकावून पळून गेला.
मिरा रोड येथील सेव्हन स्क्वेअर अकॅडमी शाळेने जैन धर्मीयांच्या पर्युषण पर्वाच्या काळात (८ ते १६ सप्टेंबर) विद्यार्थ्यांच्या डब्यात कांदा, लसूण, बटाटा, बीट यांसारखे कंदमूळ पदार्थ न आणण्याचे आवाहन केले आहे. यावरून वाद निर्माण झाला असून, शिवसेना (उद्धव ठाकरे) पक्षाचे खासदार संजय राऊत यांनी हा प्रकार लव्ह जिहादपेक्षाही गंभीर असल्याचे म्हटले आहे. त्यांनी सरकारला महाराष्ट्र धर्मावरील आक्रमण मान्य आहे का, असा प्रश्न विचारला आहे.
इंटरनेटवर ८० च्या दशकातील एआय फोटो ट्रेंड व्हायरल होत आहे. इन्स्टाग्राम आणि 'एक्स'वर लोक एआय तंत्रज्ञानाचा वापर करून जुन्या लूकचे फोटो शेअर करत आहेत. मात्र, या फोटोंच्या निर्मितीसाठी प्रचंड संगणकीय शक्ती आणि पाण्याचा वापर होतो. संशोधनानुसार, एआय फोटो तयार करण्यासाठी मोठ्या प्रमाणात पाणी लागते, ज्यामुळे पर्यावरणावर ताण येतो. त्यामुळे हा ट्रेंड पर्यावरणीय दृष्टिकोनातून चिंताजनक आहे.
कल्याण लोकसभा क्षेत्रातील राजकारणात शिंदे यांचे खासदार पुत्र डाॅ.श्रीकांत आणि रविंद्र चव्हाण यांच्यात टोकाचा संघर्ष सुरु असल्याचे चित्र आहे. महापालिकेत सत्तास्थापनेनंतर काही काळ या दोन पक्षात बरे सुरु आहे असे वातावरण होते. दीड-दोन महिन्यांपासून एकमेकांच्या कार्यकर्त्यांना प्रवेश देण्यावरुन शिंदे-चव्हाणांमध्ये पुन्हा बिनसले आहे.
मराठा आरक्षणासाठी मनोज जरांगे पाटील १३ दिवसांपासून उपोषण करत आहेत. उपोषणादरम्यान त्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यावर टीका केली. अमृता फडणवीस यांनी मनोज जरांगेंना जेवणाचं निमंत्रण दिलं, त्यावर जरांगेंनी भाऊबीजेला येण्याचं आश्वासन दिलं. देवेंद्र फडणवीस यांनी मराठा समाजाला संविधानाच्या चौकटीत आरक्षण देण्याचं आश्वासन दिलं.
रात्री झोपताना पायात गोळे येण्याचं कारण अनेकदा पाणी कमी पिणं, थकवा किंवा जास्त चालणं असं मानलं जातं. मात्र, वारंवार असा त्रास होत असेल तर रक्तशर्करेची पातळी तपासणं गरजेचं आहे. रक्तशर्करेतील बदलांमुळे शरीरातील खनिजं कमी होऊन स्नायूंमध्ये गोळे येऊ शकतात. मधुमेह असलेल्या व्यक्तींमध्ये हा त्रास अधिक जाणवतो. तज्ज्ञांच्या मते, रक्तशर्करेसोबत इतर कारणांचाही विचार करणं आवश्यक आहे.
मणिरत्नम यांच्या 'दिल से' (१९९८) चित्रपटातून प्रीती झिंटाने अभिनय क्षेत्रात पदार्पण केलं. शाहरुख खान आणि मनीषा कोईराला यांच्याबरोबर तिने काम केलं. ३० वर्षांच्या कारकिर्दीत प्रीतीने अनेक हिट चित्रपट दिले. ७ वर्षांच्या ब्रेकनंतर 'बंटवारा १९४७'मधून पुनरागमन केलं. आता ती 'वाइब' चित्रपटातून परत येत आहे. प्रीतीने मनीषा कोईरालाच्या पाठिंब्याबद्दल कृतज्ञता व्यक्त केली. तर माधुरी दीक्षितबरोबर काम करण्याचा अनुभव सांगितला आहे.
मुंबई : नाशिक येथील स्वयंघोषित भोंदू अशोक खरात याच्याविरोधातील आर्थिक गैरव्यवहार प्रकरणात सक्तवसुली संचालनालयाने (ईडी) दाखल केलेल्या आरोपपत्राची विशेष पीएमएलए न्यायालयाने दखल घेतली आणि खरातसह सहा आरोपींना समन्स बजावून पुढील सुनावणीला हजर राहण्याचे आदेश दिले.
मुंबई-गोवा महामार्गाचे ९० टक्के काम पूर्ण झाले असले तरी पूल आणि बाह्यवळण मार्गांची कामे अपूर्ण आहेत, ज्यामुळे गणेशभक्त्यांना अडचणी येऊ शकतात. नितीन गडकरी यांनी महामार्गाच्या उशीराबद्दल खेद व्यक्त केला आहे. अनेक कंत्राटदार अपयशी ठरल्याने काम रखडले आहे. गडकरी यांनी ऑक्टोबरमध्ये महामार्गाची पाहणी करण्याचे आश्वासन दिले आहे. इंदापूर-माणगाव आणि चिपळुण येथील कामे अद्याप अपूर्ण आहेत.
ठाणे - गणेशोत्सवाला अवघे काही दिवस उरले असताना ठाण्यातील मूर्तिकारांसमोर शाडू मातीच्या मूर्तींच्या विक्रीचे संकट उभे राहिले आहे. पीओपीच्या मूर्तींवरील बंदीबाबत स्पष्ट धोरण नसल्याने ग्राहकांचा कल पीओपीच्या मूर्तींकडे कायम आहे. परिणामी शाडू मातीच्या मूर्तींना अद्यापही मागणी नसल्याचे मूर्तिकरांचे म्हणणे आहे. दरम्यान शाडूच्या मूर्ती कारखान्यात पडून असल्याने लाखो रुपयांचे नुकसान होण्याची भीती मूर्तिकारांनी व्यक्त केली आहे.
डोंबिवली - दणदणाट मुक्त गणेशोत्सव साजरा करा, असे पुणे, ठाणे आणि राज्याच्या विविध भागात सामाजिक वातावरण निर्माण होत असताना, मागील ७५ वर्षापासून सार्वजनिक रस्त्याची वाट न अडवता, दणदणात न करता, पारंपारिक पध्दतीने डोंबिवलीतील टिळकनगर सार्वजनिक गणेशोत्सव मंडळाचा गणेशोत्सव उत्साहाने शांततेत साजरा केला जातो. पर्यावरणस्नेही, पारंपारिक पध्दती आणि सामाजिक उपक्रम, सामाजिक भान ठेऊन उत्सव साजरा करण्यावर टिळकनगर गणेशोत्सव मंडळाचा सर्वाधिक भर असतो.
गणेशोत्सवानिमित्ताने ठाणे, मुंबईसह विविध भागात नागरिक एसटी बसगाड्यांतून कोकणात जात असतात. परंतु रायगड पोलिसांनी महत्त्वाचे वाहतूक बदल लागू केले असून अनेक महत्त्वाचे पर्यायी मार्ग पोलिसांनी सूचविले आहेत. त्यामुळे माणगावातील नागरिकांना पर्यायी मार्गाचा वापर करावा लागणार आहे.
बॉलीवूडमध्ये पापाराझींच्या हस्तक्षेपावरून चर्चेत असलेल्या तापसी पन्नूने जया बच्चन यांच्याशी तुलना केल्यावर प्रतिक्रिया दिली आहे. तापसीने पापाराझींशी वाद झाल्याचे मान्य केलं, परंतु उद्धटपणे वागल्याचं नाकारलं. तिने जया बच्चन यांच्याशी तुलना कौतुकाची गोष्ट असल्याचं म्हटलं. तापसीने स्पष्ट केलं की, ती कधीही कोणावर आवाज चढवत नाही आणि तिच्या मर्यादा तिला माहीत आहेत.
मनोज जरांगे पाटील मराठा आरक्षणासाठी पुन्हा उपोषणाला बसले असून आज त्यांचा १३ वा दिवस आहे. उपोषणादरम्यान त्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यावर टीका केली आहे. अमृता फडणवीस यांनी मनोज जरांगे माझे भाऊ असल्याचे सांगितले. देवेंद्र फडणवीस यांनी संविधानाच्या चौकटीत राहून मराठा समाजाला न्याय देण्याची भूमिका मांडली आहे.
राज्याची ऊर्जेची गरज पूर्ण करताना ऊर्जा निर्मितीचे उद्दिष्ट साध्य करण्यासाठी नवीन ऊर्जा प्रकल्पांच्या उभारणीमुळे अणुऊर्जेच्या निर्मिती क्षमतेत मोठी वाढ शक्य होईल, असा विश्वास मुख्यमंत्री देवेंद्र फडणवीस यांनी व्यक्त केला. राज्यात टोरेंट पॉवर आणि जेएसडब्ल्यू समवेत सरकारने आज सामंजस्य करार केले असून ४२०० मेगावॅट क्षमतेचे अणुऊर्जा प्रकल्प उभारण्यात येणार आहेत. यातून ७९ हजार कोटींची गुंतवणूक आणि ११ हजार ७०० रोजगार उपलब्ध होणार आहेत.
मुंबई : मोठा गाजावाजा करत गतवर्षी सुरू करण्यात आलेला निसर्ग उन्नत मार्ग दरड कोसळण्याच्या धोक्यामुळे जूनपासून बंद आहे. डोंगर उतारावर बांधण्यात आलेल्या या मार्गाच्या सुरक्षिततेसाठी, तसेच तीव्र उतार, मोडकळीस आलेली संरक्षण भिंत, दरवर्षी होणाऱ्या भूस्खलनामुळे सुरुवातीलाच प्रतिबंधात्मक उपाययोजना करणे अपेक्षित होते. मात्र, महापालिकेने त्यास प्राधान्य न देता मार्ग सुरू केला. जूनमध्ये दगड कोसळण्याच्या घटना घडल्यानंतर आता पालिकेला जाग आली असून डोंगर उतार स्थिरीकरणाचे (स्लोप स्टॅबिलायझेशन) काम हाती घेण्यात आले आहे.
आयएनएस मंगरोल ही पाणबुडीरोधी युद्धनौका नुकतीच भारतीय नौदलात समाविष्ट करण्यात आली. याच नावाच्या पूर्वीच्या युद्धनौकेचा वारसा असलेली, अत्याधुनिक शस्त्रास्त्रांनी सुसज्ज असलेली ही नवी युद्धनौका आहे. या युद्धनौकेमुळे भारतीय नौदलाची क्षमता वाढून सागरी सीमांचे संरक्षण, देखरेख अधिक सक्षमपणे करणे शक्य होणार आहे.
गेल्या काही दिवसांत डीजेच्या आवाजावरून वाद वाढले आहेत. पुण्यात सामाजिक कार्यकर्ते विद्यानंद बापट यांनी डीजेविरोधात आवाज उठवल्याने त्यांच्यावर हल्ला झाला. दिल्लीमध्ये गोंगाटावर आक्षेप घेतल्याने मणिपुरी संगीत शिक्षकाचा मृत्यू झाला, तर नोएडामध्ये वाढदिवसाच्या पार्टीतील आवाजावरून वाद झाल्याने एक तरुणाचा मृत्यू झाला. या घटनांमुळे आवाजावरून होणाऱ्या संघर्षाचे गांभीर्य समोर आले आहे.
बेल्जियमने उत्तरेतील समुद्रात जगातील पहिले कृत्रिम बेट तयार करण्याचा निर्णय घेतला आहे. ४५ किमी अंतरावर असलेल्या या बेटाचे नाव 'प्रिंसेस एलिझाबेथ बेट' असेल. २२ हजार टन वजनाचे २३ काँक्रिटचे ठोकळे वापरून हे बेट तयार केले जाईल. पवन ऊर्जा निर्मितीसाठी हे बेट वापरले जाईल. प्रकल्पाचा खर्च ७ अब्ज युरो असून, २०३० पर्यंत पूर्ण होण्याची अपेक्षा आहे.
वाहतुकीचे नियम तोडल्यावर आता केवळ दंड किंवा चलान भरून सुटका होणार नाही. केंद्रीय रस्ते वाहतूक मंत्री नितीन गडकरी यांनी ड्रायव्हिंग लायसन्स (DL) आणि वाहनाच्या नोंदणी प्रमाणपत्रावर (RC) 'पॉइंट्स सिस्टीम' लागू करण्याची नवी योजना जाहीर केली आहे. वारंवार नियम मोडल्यास लायसन्स निलंबित किंवा रद्द होऊ शकतं का? नव्या ट्रॅफिक पॉइंट प्रणालीत नेमकं काय आहे? जाणून घ्या
सध्या 'कौन बनेगा करोडपती १८' सुरू आहे. बेंगळुरूच्या कृतज्ञ नायरने २५ लाख रुपयांच्या १३ व्या प्रश्नापर्यंत पोहोचून १२.५ लाख रुपये जिंकले. तो अॅडोब कंपनीत काम करतो आणि पत्नीबरोबर कंटेंट क्रिएटर आहे. १३ व्या प्रश्नाचं उत्तर न आल्याने त्याने खेळ सोडला. इस्रो शास्त्रज्ञ नंदिनी हरिनाथ यांच्या साडीबद्दलचा प्रश्न होता. अमिताभ बच्चन यांनी 'जेन झी' पिढीचं कौतुक केलं.
पंतप्रधान नरेंद्र मोदी यांनी वडोदरा येथे 'पश्चिम समर्पित मालवाहतूक कॉरिडॉर'च्या (WDFC) अंतिम तीन टप्प्यांचे लोकार्पण केले. यामुळे नवी मुंबईतील जेएनपीटी (JNPT) बंदर ते उत्तर प्रदेशातील दादरी हा १,५०६ किमीचा कॉरिडॉर पूर्ण झाला आहे. पूर्व आणि पश्चिम कॉरिडॉर (२,८४३ किमी) पूर्ण झाल्यामुळे रोज ४०० हून अधिक मालगाड्या ताशी ५० किमीपेक्षा जास्त वेगाने धावणार आहेत. या स्वतंत्र रेल्वे जाळ्यामुळे प्रवासी रेल्वेवरील ताण कमी होणार आणि मालवाहतुकीचा वेळ-खर्च वाचून भारतीय अर्थव्यवस्थेला वेग मिळणार असल्याचे मोदींनी नमूद केले आहे.
