टीईटीची फुटलेली प्रश्नपत्रिका १ लाख रुपयांना; पण उमेदवारांना मूळ कागदपत्रे जमा करण्याची अट
महाराष्ट्र शिक्षक पात्रता परीक्षेच्या (टीईटी) पेपरफुटी प्रकरणात १६ आरोपींविरोधात भिवंडी न्यायालयात ३५०० पानांचे दोषारोपपत्र दाखल झाले आहे. फुटलेली प्रश्नपत्रिका ८० हजार ते १ लाख रुपयांपर्यंत विकली जात होती. आरोपींनी उमेदवारांच्या मूळ शैक्षणिक कागदपत्रे ताब्यात ठेवून पैसे भरल्यानंतरच परत केली. १८ आरोपींपैकी १६ जणांना अटक झाली असून, मुख्य आरोपी बिजेंद्र गुप्ता याने ८,००० रुपयांत प्रश्नपत्रिका फोडली होती.