साहित्य - * आठ ब्रेड स्लाइस, * अर्धी वाटी बटर, * अर्धी वाटी क्रीम चीज, * अर्धी जुडी बारीक चिरलेली कोथिंबीर, * तीन ते चार हिरवी मिरची बारीक चिरलेली, * पाच ते सहा पाकळ्या लसूण, * मीठ चवीनुसार. कृती - एका भांडय़ात बारीक चिरलेली मिरची, बारीक चिरलेली कोथिंबीर आणि लसूण, बटर, क्रीम चीज, मीठ टाकून सर्व एकत्रित करावे. ब्रेडच्या साइड कापून त्यावर हे मिश्रण स्प्रेड करावे. मायक्रो मीडियमवर दोन मिनिटे व मायक्रो हायवर एक मिनिट ठेवावे. बाहेर काढून त्रिकोणी कापून सव्र्ह करावे. शिंगाडय़ांची खीर साहित्य - * २५० ग्रॅम भाजून सोललेले शिंगाडे, * दोन चमचे तूप, * दोन चमचे काजू पावडर, * दोन चमचे बदाम पावडर, * अर्धा चमचा वेलची पावडर, * पाऊण लिटर दूध, * अर्धी वाटी साखर. कृती - शिंगाडे मिक्सरमध्ये वाटून घ्यावेत. दूध आटवून जाडसर करून घ्यावे. काचेच्या मोठय़ा बाऊलमध्ये वाटलेले शिगांडे आटवलेले दूध, तूप, काजू पावडर, वेलची पावडर व साखर टाकून नीट हलवून मिक्स करून घ्यावे व मायक्रो मीडियमवर पाच मिनिटे ठेवावे. गरम गरम खीर सव्र्ह करावी. बटाटा व सुरण कीस रोस्टी साहित्य - * तीन ते चार किसलेले बटाटे, * अर्धी वाटी हाफफ्रेश शेंगदाणे, * एक चमचा जिरे, * तेल, * पाव किलो सुरणाचा कीस, * चवीनुसार मीठ. कृती - एका कढईमध्ये पाणी घेऊन किसलेला बटाटा अर्धा शिजवून घ्यावा. नंतर किसलेला सूरणही पाण्यात अर्धा शिजवून घ्यावा. अर्धा शिजवून घेतलेला बटाटा व सूरण कीस एका बाऊलमध्ये काढून त्यात अर्धी वाटी हाफफ्रेश शेंगदाणे टाकून मिश्रण एकत्र करावे. एका काचेच्या पसरट प्लेटमध्ये थोडेसे तेल टाकून रोस्टी थापून घ्यावे व मायक्रो मीडियमवर तीन मिनिटे ठेवावे. ती काचेची प्लेट काढून रोस्टी उलटे करावे व परत काचेची प्लेट मायक्रो मीडियमवर तीन मिनिटे ठेवावे ही रोस्टी दह्यबरोबर सव्र्ह करावी. ही साधारणत: उपवासाच्या दिवशी खातात. केळी आणि वऱ्याच्या तांदळाचे थालीपीठ साहित्य - * एक वाटी वऱ्याच्या तांदळाचे पीठ, * चार ते पाच केळी, * एक वाटी हाफ फ्रेश शेंगदाणे, * एक चमचा सागर, * एक चमचा जिरे, * चवीनुसार मीठ, * एक वाटी दही. कृती - एका बाऊलमध्ये चार केळी कुस्करून, वऱ्याच्या तांदळाचे पीठ, एक वाटी हाफ फ्रेश शेंगदाणे, एक चमचा जिरे व चवीनुसार मीठ टाकावे. नंतर या मिश्रणात पाणी टाकून हे मिश्रण मळून घ्यावे. एका काचेच्या पसरट प्लेटमध्ये थोडेसे तेल टाकून थालीपीठ थापून घ्यावे व मायक्रो मीडियमवर तीन मिनिटे ठेवावे. ती काचेची प्लेट काढून थालीपीठ उलटे करावे व परत ती काचेची प्लेट मायक्रो मीडियमवर तीन मिनिटे ठेवावे. हे थालीपीठ दह्यबरोबर सव्र्ह करावे. हे साधारणत: उपवासाच्या दिवशी खातात. चिली मेथी सूप साहित्य - * दोन जुडी मेथी, * चार ते पाच हिरवी मिरची, * पाच ते सहा पाकळ्या लसूण, * एक चमचा कॉर्नफ्लॉवर, * एक कप क्रीम, * अर्धा चमचा काळी मिरी, * मीठ चवीनुसार कृती - मेथी, हिरवी मिरची, लसूण मिक्सरमध्ये वाटून घ्यावा. हे सर्व मिश्रण काचेच्या बाऊलमध्ये मायक्रो मीडियमवर दोन मिनिटे ठेवावे. एका भांडय़ात क्रीम, कॉर्नफ्लॉवर, मीठ, काळी मिरी व तीन कप पाणी घालून मायक्रोहायवर तीन मिनिटे ठेवावी. हे सर्व मिश्रण मेथीच्या मिश्रणात मिक्स करून मायक्रो मीडियमवर दोन ते तीन मिनिटे ठेवावी व गरम सव्र्ह करावी. विवेक ताम्हणे - response.lokprabha@expressindia.com