Apple iPhone वापरणाऱ्या सर्व युजर्ससाठी एक महत्वाची बातमी आहे. कारण आता वॉरंटी नसलेल्या आयफोनची बॅटरी बदलणे आता महाग होणार आहे. Cupertino-based आधारित कंपनी आयफोन १४ सिरीज वगळता सर्व आयफोनच्या मॉडेल्ससाठी वॉरंटी नसलेल्या फोनच्या बॅटरी बदलणे महाग होणार आहे. सध्यस्थितीमध्ये आऊट ऑफ वॉरंटी सर्व्हिस फी फेब्रुवारी २०२३ च्या अखेरपर्यंत लागून होणार आहे. १ मार्च २०२३ पासून आधीच्या सर्व आयफोन मॉडेल्ससाठी बॅटरी बदलणे महाग होणार आहे. सर्व मॉडेल्ससाठी $२०म्हणजे (अंदाजे ₹१६५४) इतकी वाढू शकते. माहितीनुसार, Apple सध्या बहुतांश iPhone मॉडेल्सवर बॅटरी बदलण्यासाठी US मध्ये $६९ आणि भारतात सुमारे रु. ७,००० आकारते. यामध्ये १ मार्चपासून $२० ने वाढवले जाईल असे Apple चे म्हणणे आहे. प्रत्येक iPhone त्याच्या मर्यादित वॉरंटीमध्ये १ वर्षाचे हार्डवेअर दुरुस्ती आणि कव्हरेजसह ९० दिवस फ्री टेक्निकल सपोर्ट देतो. iPhone साठी AppleCare+ तुमचे कव्हरेज तुमच्या AppleCare+ खरेदीच्या तारखेपासून २ वर्षांपर्यंत वाढवते. हेही वाचा : Consumer Electronic Show 2023: सर्वात मोठ्या टेक इव्हेन्टमध्ये सॅमसंग करणार ‘हे’ चार नवीन मॉनिटर्स लाँच या किमतीतील वाढ फक्त AppleCare किंवा AppleCare+ योजना नसलेल्या लोकांसाठी लागू होईल. जे या योजनेचे लाभार्थी आहेत. त्यांना अतिरिक्त पैसे द्यावे लागणार नाही MacRumours च्या रिपोर्टनुसार , Apple मॅक आणि ‘iPad’ साठी आउट-ऑफ-वॉरंटी बॅटरी बदलण्याची किंमत देखील वाढवणार आहे. त्या रिपोर्टनुसार MacBook Air ची बॅटरी रिप्लेसमेंट $३० ने वाढेल आणि MacBook Pro बॅटरीच्या किमती $५० ने वाढतील. त्याचप्रमाणे, नवीन iPad मॉडेल्सची किंमत $२० ने वाढेल.
