आधार हा १२ अंकी क्रमांक आहे जो युआयडीएआयद्वारे भारतातील नागरिकांना जारी केला जाऊ शकतो. पडताळणी प्रक्रिया पूर्ण झाल्यानंतरच युआयडीएआय प्राधिकरणाकडून आधार क्रमांक दिला जातो. नावनोंदणी प्रक्रियेदरम्यान, वापरकर्त्यांना त्यांची डेमोग्राफिक आणि बायोमेट्रिक माहिती द्यावी लागते. आता देशातील बहुतेक गोष्टींसाठी आधार हे एक आवश्यक ओळख दस्तऐवज आहे. अनेक शाळा प्रवेशावेळी मुलांचा आधार क्रमांक मागतात. जर तुम्ही अद्याप तुमच्या मुलाचे आधार कार्ड बनवले नसेल तर तुम्ही आजच त्यासाठी सहज अर्ज करू शकता. नवजात आणि लहान मुलांच्या आधार कार्डसाठी ऑनलाइन आणि ऑफलाइन अर्ज केला जाऊ शकतो. आवश्यक कागदपत्रे १) मुलाचा जन्म प्रमाणपत्र किंवा सरकारी रुग्णालयाची डिस्चार्ज स्लिप२) आई किंवा वडिलांचे आधारकार्ड पाच वर्षांपेक्षा कमी वयाच्या मुलाच्या बायोमेट्रिक प्रमाणीकरणासाठी, पालकांना आधार सेवा केंद्राला भेट द्यावी लागते. पाच वर्षांपेक्षा कमी वयाच्या मुलांसाठी बायोमेट्रिक्स विकसित केलेले नाहीत. त्यामुळे मुलाच्या आधार डेटामध्ये बोटांचे ठसे आणि बुबुळ स्कॅनसारख्या बायोमेट्रिक माहितीचा समावेश नाही. मात्र पाच वर्षांनंतर मुलाचा बायोमेट्रिक आधार डेटा अपडेट करावा. जेव्हा मुले ५ ते १५ वर्षांच्या दरम्यान असतात, तेव्हा त्यांचा बायोमेट्रिक डेटा जसे की बोटे, बुबुळ स्कॅन आणि त्यांचे छायाचित्र अपडेट करावे. बाल आधारसाठी ऑनलाइन नोंदणी कशी करावी? युआयडीएआयच्या अधिकृत वेबसाइटला भेट द्या आणि बाल आधार कार्ड ऑनलाइन पर्याय निवडा. त्यानंतर आधार कार्ड नोंदणी पृष्ठावर जा आणि त्यावर क्लिक करा. सर्व आवश्यक तपशील जसे की मुलाचे नाव, पालकांचा फोन नंबर आणि ई-मेल पत्ता प्रविष्ट करा.सर्व वैयक्तिक माहिती प्रविष्ट केल्यानंतर, डेमोग्राफिक माहिती भरा.त्यानंतर फिक्स अपॉइंटमेंट टॅबवर क्लिक करा. आता तुम्ही आधार कार्ड नोंदणीची तारीख ठरवू शकता. आता अर्जदार जवळच्या नावनोंदणी केंद्राची निवड केल्यानंतर नोंदणी प्रक्रियेसह पुढे जाऊ शकतात. यानंतर आधार कार्ड नोंदणी केंद्राला भेट द्या. नंतर मुलाचे जन्म प्रमाणपत्र आणि आई किंवा वडिलांचे आधार कार्ड सोबत फॉर्म सबमिट करा. आधार कार्ड आणि आई किंवा वडिलांचा मोबाईल नंबर देणे आवश्यक आहे. पडताळणी प्रक्रियेनंतर, मुलाचे छायाचित्र देखील घेतले जाईल. जर मुलाचे वय ५ वर्षांपेक्षा जास्त असेल तर, एक छायाचित्र आणि बायोमेट्रिक डेटा जसे की बुबुळ स्कॅन आणि बोटांचे ठसे घेतले जातील.स्टेटस ट्रॅक करण्यासाठी केंद्राने दिलेली पोचपावती स्लिप ठेवा. बाल आधार कार्डसाठी ऑफलाइन नोंदणी कशी करावी तुमच्या जवळच्या आधार कार्ड नोंदणी केंद्राला भेट द्या. बाल आधार कार्डसाठी आवश्यक फॉर्म भरा. आता मुलाचे जन्म प्रमाणपत्र आणि आई किंवा वडिलांचे आधार कार्ड सोबत फॉर्म सबमिट करा. आधार कार्ड आणि आई किंवा वडिलांचा मोबाईल नंबर देणे आवश्यक आहे. पडताळणीनंतर मुलाचे छायाचित्र घेतले जाईल. तुमच्या मुलाचे वय ५ वर्षांपेक्षा जास्त असल्यास फोटो, बायोमेट्रिक डेटा जसे की आयरीस स्कॅन आणि फिंगरप्रिंट घेतला जाईल. भविष्यात स्थितीचा मागोवा घेण्याची गरज लक्षात घेऊन केंद्राकडून प्राप्त पावती स्लिप जतन करा. तुम्हाला ६० दिवसांच्या आत एक मजकूर संदेश मिळेल आणि त्याच कालावधीत तुम्हाला बाल आधार देखील मिळेल.
