scorecardresearch

Flipkart black friday sale : स्मार्टफोन्सवर मोठी सूट, १० हजारांच्या आत मिळवा जबरदस्त फोन, ‘या’ आहेत बेस्ट डिल्स

तुम्ही नवीन फोन घेण्याच्या तयारीत असाल तर सेलमध्ये काही स्मार्टफोन्सवर सर्वोत्तम डिल्स मिळत असून त्याचा तुम्ही लाभ घेऊ शकता.

Flipkart black friday sale : स्मार्टफोन्सवर मोठी सूट, १० हजारांच्या आत मिळवा जबरदस्त फोन, ‘या’ आहेत बेस्ट डिल्स
(Photo-financialexpress)

Flipkart black friday sale : फ्लिपकार्टने ब्लॅक फ्रायडे सेल सुरू केला असून त्यात अनेक गॅजेट्सवर मोठी सूट मिळत आहे. या सेलमध्ये आयसीआयसीआय बँक कार्ड, कोटक बँक कार्ड आणि सिटी बँक कार्डचा वापर करून फोन खरेदी केल्यास ग्राहक १२ टक्क्यांपर्यंत सूट मिळवू शकतात. यासह फ्लिपकार्टकडून एक्सचेंज ऑफर, नो कॉस्ट ईएमआय आणि स्क्रिन डॅमेज प्रोटेक्शन देखील मिळत आहे. पे लेटर पर्याय देखील ग्राहकांसाठी उपलब्ध आहे. तुम्ही नवीन फोन घेण्याच्या तयारीत असाल तर सेलमध्ये काही स्मार्टफोन्सवर सर्वोत्तम डिल्स मिळत असून त्याचा तुम्ही लाभ घेऊ शकता.

१) इन्फिनिक्स हॉट १२

Infinix Hot 12 या स्मार्टफोनचे ४ जीबी रॅम आणि ६४ जीबी रॉम असलेले व्हेरिएंट १२ हजार ९९९ रुपयांऐवजी ८ हजार ७९९ रुपयांना मिळत आहे. फोनवर ८ हजार २०० रुपयांपर्यंतचा एक्सचेंज ऑफरही मिळत आहे. या स्मार्टफोनमध्ये अडथळ्याशिवाय कार्य होण्यासाठी मीडियाटेक हेलिओ जी ३७ प्रोसेसर देण्यात आले असून ६.८२ इंच एचडी डिस्प्ले देण्यात आला आहे. फोनमध्ये ड्युअल कॅमेरा सेटअप मिळत आहे.

(३२ तासांची बॅटरी लाइफ, वाढवू शकता रॅम; LAVA BLAZE NXT ग्राहकांसाठी सादर, जाणून घ्या किंमत)

२) रिअलमी सी ३३

Realme C33 स्मार्टफोनचे ३ जीबी रॅम आणि ३२ जीबी रॉम व्हेरिएंट ११ हजार ९९९ रुपयांऐवजी ८ हजार ९९९ रुपयांमध्ये मिळत आहे. या फोनवर ८ हजार ४०० रुपयांपर्यंतचा एक्सचेंज ऑफर देखील मिळत आहे. फोनमध्ये ६.५ इंच एचडी प्लस डिस्प्ले देण्यात आला असून ५ हजार एमएएचची बॅटरी देण्यात आली आहे.

३) मोटोरोला जी २२

फ्लिपकार्टवर Motorola g22 स्मार्टफोनची मूळ किंमत १३ हजार ९९९ रुपये असून त्यामध्ये ४ हजार रुपयांची कपात करण्यात आली आहे. त्यामुळे हा फोन ९ हजार ९९९ रुपयांना मिळत आहे. फोनवर ९ हजार ४५० रुपयांचा एक्सचेंज ऑफरही मिळत आहे. या स्मार्टफोनमध्ये ६.५ इंच एचडी प्लस डिस्प्ले, ५ हजार एमएएचची बॅटरी, क्वाड कॅमेरा सेटअप आणि मीडियाटेक हेलिओ जी ३७ प्रोसेसर देण्यात आले आहे.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-11-2022 at 10:07 IST

संबंधित बातम्या