जेव्हाही आपल्या एखाद्या विशिष्ट अवयवामध्ये समस्या जाणवते तेव्हा डॉक्टर आपल्याला एक्स-रे काढण्याचा सल्ला देतात. एक्स-रे पाहिल्यानंतर डॉक्टर पुढील वैद्यकीय उपचार सुरु करतात. एक्स-रे मशीनची रचना अशा प्रकारे करण्यात आली होती की डॉक्टर कोणत्याही प्रकारच्या दुखापतीचे किंवा आजाराचे योग्य मूल्यांकन करू शकतील. कोणत्याही प्रकारच्या समस्येचे मूल्यांकन करण्यासाठी, डॉक्टर प्रथम एक्स-रे करून घेण्याचा सल्ला देतात. परंतु तुमच्या मनात कधी हा विचार आला आहे का की पहिल्यांदा कोणत्या व्यक्तीचा एक्स-रे काढला गेला असेल किंवा पहिल्यांदा शरीराच्या कोणत्या भागाचा एक्स-रे काढला गेला असेल? जर तुम्हाला हे माहित नसेल तर आज आपण याबाबत अधिक माहिती जाणून घेऊया.

या बातमीसह सर्व प्रीमियम कंटेंट वाचण्यासाठी साइन-इन करा

एक्स-रे म्हणजेच क्ष-किरणांचा शोध ब्रिटनचे वैज्ञानिक विल्हेल्म रोएंटजेन यांनी १८९५ साली लावला. तथापि, एक्स-रे मशीनची औपचारिक सुरुवात १८ जानेवारी १८९६ साली झाली. एच. एल. स्मिथ यांनी एक्स-रे मशीन सादर केली. क्ष-किरण ही आरोग्य विश्वातील सर्वात मोठी क्रांती ठरली. यामुळे रोग ओळखणे सोपे झाले. विल्हेल्म रोएंटजेन यांच्यामुळेच आज आपण आपल्या शरीरातील अंतर्गत अवयव स्पष्टपणे पाहू शकतो.

National Science Day 2022 : ‘राष्ट्रीय विज्ञान दिवस’ २८ फेब्रुवारी रोजीच साजरा होण्यामागे आहे ‘हे’ खास कारण

कॅथोड रेडिएशनचा प्रयोग करताना विल्हेल्म रोएंटजेन यांनी एक्स-रेचा शोध लावला. जेव्हा ते संशोधन करत होते तेव्हा त्यांच्या लक्षात आले की क्ष-किरण मानवी ऊतींच्या पार जातात आणि त्यामुळे हाडे दिसतात. विल्हेल्म रोएंटजेन यांनी त्यांच्या पत्नी बर्थाच्या हातावर पहिला एक्स-रे काढला. एका अहवालानुसार, आज जगात दर सेकंदाला १०० पेक्षा जास्त, तर एका वर्षात ४ अब्ज पेक्षा जास्त एक्स-रे काढले जातात.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Do you know how x ray first started find out which part of the body was first x rayed pvp
First published on: 28-02-2022 at 13:03 IST