Electric Heater Vs Oil Heater: हिवाळ्यात गरम कपडे, रूम हीटर घेण्याची लगबग सुरू होते. तुम्हाला उबदार हवेचा अनुभव घ्यायचा असेल तर ही बातमी खास तुमच्यासाठीच आहे. कारण, आता बाजारात अनेक उत्तम प्रकारचे रूम हीटर आले आहेत. बाजारात दोन प्रकारचे हीटर्स उपलब्ध आहेत, एक ऑइल हिटर आणि दुसरे इलेक्ट्रिक हीटर. या दोन हीटर्समध्ये खूप फरक आहे आणि दोन्हीचे काही फायदे आणि तोटे आहेत, ज्याबद्दल आम्ही तुम्हाला येथे सांगत आहोत. चला तर मग जाणून घेऊयात, इलेक्ट्रिक हीटर चांगला की ऑईल हीटर चांगला?
इलेक्ट्रिक हीटर आणि ऑईल हीटर या दोन्हींचे काही फायदे आणि काही तोटे आहेत.
ऑइल हिटर फायदे
ऑइल हिटर हे तेलावर चालत नाही, उलट हीटरच्या ग्रीलमध्ये भरलेले तेल विजेने गरम केले जाते आणि गरम केल्यानंतर ते खोलीचे तापमान तापवते. ऑइल हिटरचे रेडिएटर गरम झाल्यावर ते वीज पुरवठा घेणे थांबवते.ऑइल हीटर्स इलेक्ट्रिक हीटर्सपेक्षा कमी वीज वापरतात. इलेक्ट्रिक हीटरला चालण्यासाठी सतत वीज लागते, तर ऑइल हिटरचा रेडिएटर गरम केल्यानंतर वीज कमी करतो, ज्यामुळे तुमच्या विजेचा वापर कमी होतो. पर्यावरणाच्या दृष्टिकोनातून ऑइल हिटर देखील सर्वोत्तम मानले जातात, कारण तो कमी वीज वापरतो त्यामुळे कमी कार्बन फूटप्रिंट निर्माण करतात आणि ते पर्यावरणाचे रक्षण करण्यास उपयुक्त ठरतात. ऑइल हिटर वापरताना कोणत्याही प्रकारचा आवाज येत नाही, त्यामुळे ते वापरताना एकाग्रता बिघडत नाही. आणि रात्री चालू करुन तुम्ही आरामात झोपू शकता.
ऑइल हिटर तोटे
तोट्यांबद्दल बोलायचे झाले तर ऑईल हीटर खरेदी करण्यासाठी सामान्य हिटरपेक्षा जास्त पैसे खर्च करावे लागतात. आपल्यासाठी कोणता हीटर चांगला आहे हे आपल्या घराच्या आकार, बजेट आणि गरजा यावर अवलंबून असते.
हेही वाचा >> Jio New Recharge: वाहह! फक्त इतक्या रुपयांमध्ये मिळणार वर्षभरासाठी अनलिमिटेड 5G डेटा; पाहा जबरदस्त रिचार्ज प्लॅन
इलेक्ट्रिक रूम हीटरचे फायदे
त्वरित गरम करणे: कॉइल धातू किंवा सिरॅमिकचे बनलेले असल्याने, इलेक्ट्रिक रूम हीटर्स लगेच गरम होते आणि खोलीत उष्णता पसरवते. याव्यतिरिक्त नॉर्मल हीटर सामान्यत: ऑईल हीटरपेक्षा स्वस्त असतात. इलेक्ट्रिक हीटरचा आकार लहान असून हे हीटर हलके असतात, जे सहज पणे इकडे तिकडे हलवता येतात.
इलेक्ट्रिक रूम हीटरचे तोटे
तोट्यांबद्दल बोलायचे झाले तर इलेक्ट्रिक हीटर जास्त वीज वापरते. चला तर मग जाणून घेऊया हे हीटर कसे काम करते? या प्रकारच्या हीटरमध्ये ब्लोअर आणि स्प्रिंगचा वापर केला जातो, जे गरम होऊन गरम हवा देतात. नॉर्मल हीटरमुळे त्वचा कोरडी पडू लागते, ज्यामुळे त्वचा फुटते. अशा वेळी नॉर्मल हीटरपेक्षा जास्त काम करण्यास मनाई आहे.
