जगप्रसिद्ध सर्च इंजिन कुठलं? असा प्रश्न विचारला तर कुणीही पटकन सांगेल गुगल. काहीही सर्च करायचं असेल तर गुगल.कॉमचा पर्याय जगात सगळेच लोक वापरतात. याच गुगलचा आज २५ वा वाढदिवस आहे. गुगल या जगप्रसिद्ध सर्च इंजिनला २५ वर्षे पूर्ण झाल्याबद्दल गुगलने एक खास डुडलही तयार केलं आहे. या डुडलवर क्लिक केलं की आपल्याला गुगल सर्च इंजिनची माहिती मिळते.
आज आम्ही डुडलद्वारे गुगलचा २५ वा वाढदिवस साजरा करतो आहोत. वाढदिवस हे तुमचं वय दर्शवत असतात. मग आमचा जन्म कसा झाला हे तुम्हाला बघायचं असेल तर हे पेज नक्की पाहा असं म्हणत गुगल डुडलने पहिल्यांदा झळकलेल्या गुगल डुडलचा फोटो दिला आहे. २७ सप्टेंबर १९९८ ही गुगलची जन्मतारीख. याच दिवशी हे सर्च इंजिन सुरु झालं आणि या सर्च इंजिनची भुरळ सगळ्या जगाला पडली आहे. इंटरनेट सुरु झाल्यानंतर ते पुढे नेण्यात आणि वैविध्यपूर्ण माहिती देण्यात गुगल या सर्च इंजिनचा सिंहाचा वाटा आहे.
मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Google 25th birthday special doodle on google scj
