scorecardresearch

आता पडलात तरीही घाबरायचे कारण नाही…, Google Pixel Watch ने आणलंय ‘हे’ फिचर

Apple वॉच प्रमाणेच आता Google Pixel Watch मध्ये सुद्धा आता एक लोकांच्या फायद्याचे असणारे फिचर आणले आहे.

आता पडलात तरीही घाबरायचे कारण नाही…, Google Pixel Watch ने आणलंय ‘हे’ फिचर
Google Pixel Watch – संग्रहित छायाचित्र / लोकसत्ता

हल्ली बाजारामध्ये रोज नवनवीन टेक्नॉलॉजी लाँच होत असते. मग ती स्मार्टफोन्समध्ये असेल किंवा लॅपटॉप, स्मार्टवॉचमध्ये . यामध्ये रोज काहीतरी बदल होत असतात. Apple वॉच प्रमाणेच आता Google Pixel Watch मध्ये सुद्धा आता एक लोकांच्या फायद्याचे असणारे फिचर आणले आहे. या फीचरमुळे लोकांना आता काळजी करण्याचे काहीच कारण नसणार आहे.

गुगलने शेवटी आपल्या पहिल्या स्मार्टवॉच गुगल पिक्सेल वॉचसाठी अपडेट जारी केले आहे. ज्याची वापरकर्ते खुप काळापासून वाट बघत होते. तरीही Google ने अद्याप या फीचरविषयी कोणतीही अधिकृत माहिती दिलेली नाही. Google Pixel Watch च्या वापरकर्त्यांना आता फॉल डिटेक्शनचे अपडेट मिळत आहेत.

हेही वाचा : AMOLED डिस्प्ले, ४ जी कनेक्टसह Realme चा ‘हा’ फोन होणार लाँच; जाणून घ्या आणखी खासियत

गुगलने हे फॉल डिटेक्शन फिचर हिवाळ्यात मध्ये लाँच केले जाईल असे सांगितले होते. हे फिचर म्हणजे इमर्जन्सी कॉल सेवा आहे. या वॉचचा वापरकर्ता कुठेही पडला तर हे फॉल डिटेक्शन फिचर ऑटोमॅटिक सुरु होते. त्यानंतर हे फिचर इमर्जन्सी नंबरवर कॉल करते. गूगलच्या अहवालानुसार हे अपडेट डिसेंबरच्या अपडेटसहच आले आहे. अपडेट केल्यानंतर सेटिंगमधील सेफ्टी आणि इतर फीचर्स पाहता येतील.

हेही वाचा : Redmi Note 12 सिरीज झाली भारतात लाँच; पावरफुल कॅमेरासहित ‘हे’ मिळणार तगडे फीचर्स

अपघाताच्या वेळी जर वापरकर्त्याच्या हातात Google Pixel वॉच असेल, तर तो आपत्कालीन कॉल करेल। तथापि वापरकर्त्यांना कॉल करण्यापूर्वी त्याची सुचना देखील मिळेल. जेव्हा तुमचे घड्याळ वाय-फाय नेटवर्क किंवा LTE नेटवर्कशी कनेक्ट केलेले असेल तेव्हाच हे फीचर काम करेल.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 06-01-2023 at 11:23 IST

संबंधित बातम्या