भारतातील सर्वात मोठी खाजगी क्षेत्रातील एचडीएफसी बँकेने (HDFC Bank) आपला 'स्मार्टहब व्यापार मर्चंट अॅप' लाँच करण्याची नुकतीच घोषणा केली आहे. हा अॅप व्यापाऱ्यांच्या दैनंदिन व्यावसायिक गरजा पूर्ण करण्यासाठी डिझाइन केलेले सर्वसमावेशक पेमेंट आणि सुविधा आहे. एचडीएफसी बँकेने व्यापारी सास प्लॅटफॉर्म, मिंटोक इनोव्हेशन्स इंडियाच्या भागीदारीत स्मार्टहब व्यापार मर्चंट अॅप विकसित केले आहे. बँकेचा दावा आहे की, या अॅपच्या माध्यमातून दर महिन्याला ७५,००० पेक्षा जास्त व्यापारी जोडले जात आहेत. पेमेंट्स बिझनेस, डिजिटल आणि आयटी, ग्रुप हेड पराग राव, अरविंद वोहरा, ग्रुप प्रमुख, ब्रांच बँकिंग, अंजनी राठोर, मुख्य डिजिटल अधिकारी, एचडीएफसी बँक आणि रमेश लक्ष्मीनारायणन, एचडीएफसी बँकेचे मुख्य माहिती अधिकारी यांनी मुंबईतील एका कार्यक्रमात मर्चंट अॅपचे प्रदर्शन केले. स्मार्टहब व्यापार एचडीएफसी बँकेच्या ग्राहकांसाठी झटपट, डिजिटल आणि पेपरलेस मर्चंट ऑन-बोर्डिंगची सुविधा यात आहे. व्यापाऱ्यांना अनेक पेमेंट मोडमध्ये इंटरऑपरेबल पेमेंट स्वीकारण्याची परवानगीही मिळते. यात कार्ड्स - टॅप आणि पे, युपीआय आणि क्यूआर कोड समाविष्ट आहेत. समोरासमोर संकलन न करता येण्यासाठी व्यापारी मोबाईल किंवा ईमेलवर पेमेंट लिंक पाठवून दूरच्या ग्राहकांकडून पेमेंट देखील स्वीकारू शकतात. आणखी वाचा : कर्जापासून ते सवलतींपर्यंत CREDIT CARD ने होऊ शकतात अनेक लाभ, केवळ ‘असा’ करा वापर युपीआय द्वारे प्राप्त झालेली रक्कम ग्राहक तात्काळ बँक खात्यात जमा केली जाऊ शकतील. व्यापाऱ्यांना विक्रीच्या पावती त्वरित मिळेल. बँकिंग आघाडीवर, व्यापारी मुदत ठेवी उघडणे, पूर्व-मंजूर कर्ज आणि क्रेडिट कार्ड यांसारख्या बँकिंग सेवांचा लाभ घेऊ शकतात. व्यापार्यांना त्यांच्या बँक खात्यात जमा झालेल्या सर्व स्मार्टहब व्यापार व्यवहारांचे रिअल टाइम व्ह्यू देखील यांचाही अँपमध्ये समावेश आहे. हे अॅप मार्केटिंग टूलसह देखील येते जे व्यापार्यांना त्यांच्या ऑफर सोशल मीडियाद्वारे विद्यमान आणि संभाव्य ग्राहकांना प्रसारित करण्यात आणि विक्री सुधारण्यास मदत करते. याशिवाय, वितरक आणि विक्रेत्यांना पेमेंट, युटिलिटी बिले आणि जीएसटीचे पेमेंट यांसारखे व्यावसायिक खर्चही नव्याने सुरू झालेल्या अॅपद्वारे केले जाऊ शकतात.