फेसबुक, व्हॉट्सअॅप यांसारख्या सोशल मीडिया प्लॅटफॉर्मचा वापर जवळपास प्रत्येकजण करत असतो. लोक सर्व प्रकारच्या सोशल मीडिया खात्यांसाठी किंवा बँक खात्यांसाठी पासवर्ड वापरतात. अगदी लोकांच्या फोनचे लॉकही नंबरमध्ये आहेत. पण आता एका सिक्युरिटी फर्मने वीस धोकादायक पासवर्डची यादी जारी केली आहे. जर तुमचेही पासर्वड या यादीतील असेल तर आताच ते पासर्वड बदलून टाकणे गरजेचे आहे. अन्यथा तुम्हाला ते महागात पडू शकते. NordPass ने दिली पासवर्डची यादी NordPassने २०२२ च्या सर्वात सामान्य पासवर्डची यादी शेअर केली आहे. यामध्ये भारतातील ३.५ लाख लोक साइन अप करताना त्यांच्या पासवर्डमध्ये हे पासवर्ड वापरतात. रिपोर्टमध्ये असेही सांगण्यात आले आहे की, ७५ हजारांहून अधिक भारतीय त्यांच्या पासवर्डसाठी बिगबास्केट वापरत आहेत भारताशिवाय इतर ३० देशांमध्येही हे संशोधन करण्यात आले. रिपोर्टमध्ये असे सांगण्यात आले की, अनेक लोक गेस्ट, व्हीआयपी, १२३४५६ सारखे पासवर्ड वापरतात. दरवर्षी संशोधकांना हा पॅटर्न लक्षात येतो की, क्रीडा संघ, चित्रपटातील पात्रे आणि खाद्यपदार्थ पासवर्डच्या यादीत शीर्षस्थानी असतात. लोक या श्रेणींमध्ये लोकप्रिय नावे वापरतात. हे अतिशय कमकुवत पासवर्ड आहेत आणि हॅकर्सचे काम सोपे होते. अशा परिस्थितीत तुम्हीही असा कमकुवत पासवर्ड वापरत असाल तर लगेच बदला. वापरकर्त्यांना अधिक संयोजनांसह पासवर्ड वापरण्याचा सल्ला दिला जातो. आणखी वाचा : जबरदस्त ऑफर! फक्त २० हजाराच घरी आणा iPhone 11; पाहा कुठे मिळतेय ही ऑफर सर्वात सामान्य पासवर्डची यादीया वर्षीच्या टॉप-२० कॉमन पासवर्डमध्ये 123456, bigbasket, password, 12345678, 123456789, pass@123, 1234567890, anmol123, abcd1234 आणि googledummy यांचा समावेश आहे. हजारो लोक हे पासवर्ड वापरतात. password 123456 12345678 bigbasket 123456789 pass@123 1234567890 anmol123 abcd1234 googledummy Indya123 qwerty123 sahilji1 987654321 kapil*12345 123456789a p@ssw0rd India@123 india123 12345 असा ठेवा पासवर्ड पासवर्ड लांब ठेवा आणि त्यात चिन्हे, संख्या आणि अक्षरे वापरा. असा पासवर्ड लक्षात ठेवण्यात अडचण येते. परंतु, डेटा सुरक्षिततेसाठी हे आवश्यक आहे. प्रत्येक खात्यासाठी वेगवेगळे पासवर्ड वापरा. त्यामुळे हॅकर्सना पासवर्ड क्रॅक करणे सोपे जात नाही. याशिवाय वेळोवेळी पासवर्ड बदलत राहा. अधिक सुरक्षिततेसाठी, तुम्ही द्वि-घटक प्रमाणीकरण वापरू शकता.