Oppo A7 Pro Max 5G Launch Price Specs: स्मार्टफोन बाजारात Oppoने आणखी एक दमदार 5G फोन लॉन्च केला आहे. कंपनीने Oppo A7 Pro Max 5G हा नवीन A-सीरीज स्मार्टफोन काही निवडक ग्लोबल मार्केटमध्ये सादर केला आहे. मोठी 10,000mAh बॅटरी, 80W फास्ट चार्जिंग, 50MP कॅमेरा आणि AMOLED डिस्प्ले यामुळे या फोनची जोरदार चर्चा सुरू झाली आहे. नवीन फोन Lunar Black आणि Surfing Blue अशा दोन रंगांमध्ये उपलब्ध आहे. फोनमध्ये Qualcommचा Snapdragon 4 Gen 5 चिपसेट देण्यात आला आहे. तर मग जाणून घेऊया या फोनची किंमत आणि फीचर्स…

Oppo A7 Pro Max 5G ची किंमत किती?

Oppo A7 Pro Max 5G ची ऑस्ट्रियामधील किंमत EUR 599 म्हणजेच अंदाजे 61 हजार रुपये आहे. या किमतीत 6GB RAM आणि 256GB स्टोरेज व्हेरिएंट मिळतो. फोन दोन रंगांमध्ये उपलब्ध आहे—Lunar Black आणि Surfing Blue. मात्र, भारतात हा स्मार्टफोन कधी लॉन्च होणार, याबाबत कंपनीकडून अद्याप अधिकृत माहिती समोर आलेली नाही.

6.78 इंचाचा 1.5K AMOLED डिस्प्ले

Oppo A7 Pro Max 5G मध्ये 6.78 इंचाचा 1.5K Flexible AMOLED डिस्प्ले देण्यात आला आहे. याचे रिझोल्यूशन 1,272×2,772 पिक्सेल आहे. डिस्प्लेला 120Hz पर्यंत Adaptive Refresh Rate आणि 330Hz पर्यंत Touch Sampling Rate सपोर्ट मिळतो. ब्राइटनेसच्या बाबतीतही फोन दमदार आहे. यात 800 निट्सपर्यंत ब्राइटनेस आणि 1,800 निट्सपर्यंत HBM ब्राइटनेस देण्यात आला आहे.

Snapdragon 4 Gen 5 प्रोसेसर

परफॉर्मन्ससाठी फोनमध्ये ऑक्टा-कोर Qualcomm Snapdragon 4 Gen 5 चिपसेट देण्यात आला आहे. ग्राफिक्ससाठी Adreno 629 GPU मिळतो. फोनमध्ये 8GB पर्यंत LPDDR4X RAM आणि 256GB UFS 3.1 स्टोरेज देण्यात आले आहे. त्यामुळे रोजच्या वापरासोबतच मल्टीटास्किंगसाठीही फोन उपयुक्त ठरू शकतो.

50MP कॅमेरा अन् 50MP सेल्फी कॅमेरा

फोटोग्राफीसाठी Oppo A7 Pro Max 5G मध्ये 50MP मुख्य रिअर कॅमेरा देण्यात आला आहे. या कॅमेऱ्यात f/1.8 अपर्चर आणि 2-axis Optical Image Stabilization (OIS) मिळते. यासोबत 2MP मोनोक्रोम सेंसर देण्यात आला आहे. सेल्फी आणि व्हिडीओ कॉलिंगसाठी फोनमध्ये 50MP फ्रंट कॅमेरा देण्यात आला आहे. या कॅमेऱ्याला f/2.0 अपर्चर आणि 100-डिग्री Field of View मिळतो.

10,000mAh बॅटरी हेच सर्वात मोठं आकर्षण!

Oppo A7 Pro Max 5G चे सर्वात लक्षवेधी फीचर म्हणजे त्याची तब्बल 10,000mAh बॅटरी. फोनमध्ये 80W SUPERVOOC वायर्ड फास्ट चार्जिंग सपोर्ट देण्यात आला आहे. मोठी बॅटरी आणि फास्ट चार्जिंग यामुळे वारंवार फोन चार्ज करण्याची गरज कमी होण्याची अपेक्षा आहे.

कनेक्टिव्हिटीमध्येही अनेक पर्याय

कनेक्टिव्हिटीसाठी फोनमध्ये Wi-Fi 5, Bluetooth 5.1, NFC, GPS, GLONASS, Galileo आणि QZSS यांसारखे पर्याय देण्यात आले आहेत. चार्जिंग आणि डेटा ट्रान्सफरसाठी USB Type-C पोर्ट मिळतो. सुरक्षेसाठी फोनमध्ये Under-display Fingerprint Sensor देण्यात आला आहे.

भारतात कधी येणार?

Oppo A7 Pro Max 5G सध्या काही निवडक ग्लोबल मार्केटमध्ये लॉन्च करण्यात आला आहे. ऑस्ट्रियामधील किंमत EUR 599 आहे. मात्र, भारतामध्ये हा फोन कधी लॉन्च होणार आणि त्याची किंमत किती असेल, याबाबत सध्या अधिकृत माहिती उपलब्ध नाही.