सॅमसंग लवकरच भारतात परवडणारा ५जी स्मार्टफोन Samsung Galaxy M13 5G लाँच करणार आहे. सॅमसंगच्या या फोनची भारतात बऱ्याच दिवसांपासून प्रतीक्षा होती. सॅमसंगचा हा स्मार्टफोन १४ जुलै रोजी भारतात लाँच होणार आहे. हा सॅमसंग स्मार्टफोन लॉन्च होण्यापूर्वी, माय स्मार्ट प्राइस खबरने आगामी Samsung Galaxy M13 5G स्मार्टफोनच्या रॅम, स्टोरेज आणि कलर पर्यायांबद्दल खास माहिती शेअर केली आहे. येथे आम्ही तुम्हाला Samsung Galaxy M13 5G स्मार्टफोन लाँच होण्यापूर्वीच त्याच्या विषयी समोर आलेल्या ताज्या माहितीबद्दल सांगणार आहोत. माय स्मार्ट प्राइस या वृत्तात इंडस्ट्रीच्या सूत्रांचा हवाला देऊन दावा केला आहे की सॅमसंगचा आगामी Galaxy M13 5G स्मार्टफोन तीन रंगांच्या पर्यायांमध्ये सादर केला जाऊ शकतो. सॅमसंगचा हा फोन मिडनाईट ब्लू, एक्वा ग्रीन आणि स्टारडस्ट ब्राउन कलर ऑप्शनमध्ये सादर केला जाऊ शकतो. यासोबतच रॅम आणि स्टोरेजबद्दल बोलायचे झाले तर हा सॅमसंग फोन ४जीबी रॅम + ६४ जीबी स्टोरेज आणि ६जीबी रॅम + १२८जीबी स्टोरेज पर्यायांमध्ये सादर केला जाईल. ( हे ही वाचा: OnePlus 10RT लवकरच भारतात दाखल होणार; जाणून घ्या किंमत आणि बरंच काही) Samsung Galaxy M13 सीरीज अंतर्गत Galaxy M13 4G स्मार्टफोन देखील लाँच करणार आहे. सॅमसंगचा हा 4G स्मार्टफोन ४जीबी रॅम+ ६४जीबी स्टोरेज आणि ६जीबी रॅम + १२८जीबी स्टोरेजसह सादर केला जाऊ शकतो. Samsung Galaxy M13 4G स्मार्टफोन ब्राउन, लाइट ग्रीन आणि डार्क ब्लू कलर पर्यायांमध्ये लॉन्च केला जाईल. Samsung Galaxy M13 भारत लाँच Samsung Galaxy M13 मालिका स्मार्टफोन १४ जुलै रोजी भारतात लाँच होणार आहेत. सॅमसंगच्या या सीरिजचे दोन्ही स्मार्टफोन्स अॅमेझॉन या ऑनलाइन शॉपिंग प्लॅटफॉर्मवर विकले जातील. Samsung Galaxy M13 मालिकेतील स्मार्टफोन्सची विक्री २३ जुलैपासून सुरू होणार आहे. अॅमेझॉन प्राइम डे सेल २३ जुलै ते २४ जुलै दरम्यान अॅमेझॉनवर सुरू होणार आहे. सॅमसंगचा हा फोन फक्त प्राइम डे सेलवर विक्रीसाठी उपलब्ध असेल. ( हे ही वाचा: Samsung चा बजेट फ्री स्मार्टफोन बाजारात दाखल; जाणून घ्या किंमत आणि फीचर्सबद्दल) Samsung Galaxy M13 5G तपशील Samsung Galaxy M13 5G स्मार्टफोनबद्दल सांगितले जात आहे की यात ६.५ इंचाचा एलसीडी डिस्प्ले असेल, ज्यामध्ये एचडी+ रिझोल्यूशन असेल. यासोबतच हा सॅमसंग स्मार्टफोन मिडीयाटेकच्या Dimensity 700 SoC सह ऑफर केला जाईल. या सॅमसंग फोनमध्ये ६जीबी पर्यंत रॅम आणि १२८जीबी पर्यंत अंतर्गत स्टोरेजचा पर्याय असेल. या सॅमसंग फोनमध्ये ड्युअल रियर कॅमेरा सेटअप उपलब्ध असेल, ज्यामध्ये प्राथमिक कॅमेरा ५०एमपी चा असेल, ज्यामध्ये २एमपी चा दुय्यम कॅमेरा सेंसर दिला जाईल. यासोबतच या सॅमसंग फोनमध्ये ५एमपी फ्रंट कॅमेरा दिला जाईल. Samsung Galaxy M13 4G तपशील Samsung Galaxy M13 4G स्मार्टफोनबद्दल बोलायचे झाले तर, यात ६.६ इंचाचा फुल एचडी + एलसीडी डिस्प्ले असेल. या सॅमसंग फोनमध्ये कंपनीचा स्वतःचा Exynos 850 SoC दिला जाईल. 4G प्रकारात ट्रिपल रियर कॅमेरा सेटअप दिला जाईल. या फोनचा प्राथमिक कॅमेरा ५०एमपी असेल, ज्यामध्ये ५एमपी अल्ट्रा वाईड अँगल कॅमेरा आणि २एमपी डेप्थ सेन्सर दिला जाईल. या सॅमसंग फोनमध्ये सेल्फीसाठी ८एमपी फ्रंट कॅमेरा असेल.
