scorecardresearch

UIDAI ने घेतला हा मोठा निर्णय, करोडो आधार कार्डधारकांना होणार फायदा, जाणून घ्या सविस्तर

UIDAI च्या ट्विटर हँडलवरून ट्विट करून याबाबत माहिती देण्यात आली आहे. या निर्णयामुळे तुम्हाला कोणत्या सुविधा मिळतील ते जाणून घ्या…

AADHAR-CARD

UIDAI Aadhaar Card : युनिक आयडेंटिफिकेशन अथॉरिटी ऑफ इंडिया (UIDAI) ने देशातील ५३ शहरांमध्ये ११४ आधार सेवा केंद्रे उघडण्याची योजना आखली आहे. UIDAI च्या या केंद्रांवर आधारशी संबंधित सर्व सेवा लोकांना एकाच ठिकाणी पुरवल्या जातील. UIDAI च्या ट्विटर हँडलवरून ट्विट करून याबाबत माहिती देण्यात आली आहे.

तुम्हाला सांगतो की, देशभरात ३५ हजारांहून अधिक आधार केंद्रे आहेत. जे बँका, पोस्ट ऑफिस, बीएसएनएल आणि राज्य सरकारच्या मदतीने चालवले जात आहेत. परंतु UIDAI द्वारे उघडली जाणारी नवीन ११४ आधार सेवा केंद्रे स्वतःच चालवली जातील. या सेवा केंद्रांवर तुम्हाला कोणत्या सुविधा मिळतील ते जाणून घ्या…

आणखी वाचा : Jio चा शानदार प्लॅन! १४९ रुपयांत दररोज १ GB डेटा आणि बरंच काही…

आधार कार्ड हा एक अतिशय महत्त्वाचा कागदपत्र आहे. आधार कार्ड हा एक अतिशय महत्त्वाचा दस्तावेज बनला आहे. युनिक आयडी क्रमांक असलेले आधार कार्ड देशातील सर्व नागरिकांना UIDAI द्वारे जारी केले जाते, ज्यामध्ये बायोमेट्रिकसह तुमच्याशी संबंधित अनेक माहिती असते. त्याचबरोबर आधार कार्डाशिवाय सरकारी योजना आणि बँकिंग सुविधांचा लाभ घेता येणार नाही. यासोबतच आधार कार्डचा वापर ओळखपत्र म्हणूनही केला जात आहे.

आणखी वाचा : याच महिन्यात लॉंच होऊ शकतात Vivo V23 Pro, OnePlus 9RT, Xiaomi 11T Pro सारखे फोन, जाणून घ्या सविस्तर

या सेवा आधार सेवा केंद्रावर उपलब्ध असतील
तुम्हाला UIDAI च्या ११४ नवीन सेवा केंद्रांवर आधार कार्डशी संबंधित सर्व सुविधा मिळतील. यातील सर्वात मोठी गोष्ट म्हणजे ही सेवा केंद्रे आठवड्यातून ७ दिवस सकाळी ९.३० ते सायंकाळी ५.३० या वेळेत सुरू राहणार आहेत. यासोबतच तुम्ही आधार सेवा केंद्रात आधार कार्ड बनवू शकता, आधारमध्ये नाव, पत्ता बदलणे, मोबाईल नंबर अपडेट अशा सर्व सुविधांचे लाभ तुम्हाला मिळू शकतात.

आणखी वाचा : Micromax In Note 2 झाला लॉन्च, ४८ MP कॅमेर्‍यासह मिळतील हे फिचर्स

आधार सेवांसाठी ऑनलाइन अपॉइंटमेंट
आधार सेवा केंद्र प्रकल्पासह, UIDAI ने ग्राहकांसाठी ऑनलाइन अपॉइंटमेंट बुकिंग सुविधा सुरू केली आहे. UIDAI द्वारे संचालित सर्व आधार सेवा केंद्रे ऑनलाइन अपॉइंटमेंट सिस्टमचे अनुसरण करतात, जिथे कोणीही आधार नोंदणीसाठी अपॉइंटमेंट बुक करू शकतो किंवा कोणत्याही सोयीस्कर ASK वर अपडेट करू शकतो.

आधार सेवांसाठी ऑनलाइन अपॉइंटमेंटसाठी तुम्ही UIDAI वेबसाइट https://appointments.uidai.gov.in/bookappointment.aspx ला भेट देऊ शकता. ही सेवा पूर्णपणे मोफत आहे.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Uidai took this big decision crores of aadhar card holders will benefit check details prp

ताज्या बातम्या