तंत्रज्ञानाचा अभ्यास करणाऱ्या लोकांनाही कोडिंग आणि अॅप्स बनवण्यात अडचणी येतात, त्यामुळे कोडिंगची मूलभूत माहितीही नसलेल्या सामान्य माणसासाठी अॅप बनवणे किती कठीण असेल. पण माणूस ठरवून काय करू शकत नाही. याचे उदाहरण म्हणजे रामकुमार नावाची व्यक्ती. रामकुमार यांनी स्टेट बँक ऑफ इंडिया (SBI) शी संबंधित बँकिंग कार्यांसाठी Digi Toolkit नावाचे अॅप तयार केले आहे.
अॅपवरून दैनिक डेटा संकलित करणे सोपे
रामकुमार हे SBI चे चेन्नई सर्कलचे डिजिटल आणि ट्रान्झॅक्शन मॅनेजर आहेत. रामकुमार यांची पाचवीत असताना काचबिंदूमुळे त्यांची दृष्टी गेली. दृष्टीदोष आणि संगणकाचे ज्ञान नसल्यामुळे रामकुमार यांना अॅप बनवणे सोपे नव्हते. रामकुमार यांनी तयार केलेल्या अॅपमुळे एसबीआयसाठी दररोजचा डेटा गोळा करण्याचे काम सोपे झाले आहे. सर्व SBI कर्मचारी Digi Toolkit मध्ये डेटा देतात आणि तो आपोआप गोळा केला जातो.
बँकेच्या सर्व शाखा एक्सेल शीटवर डेटा ठेवत असत
रामकुमार यांच्या म्हणण्यानुसार त्यांना सर्व शाखांचा दैनंदिन अहवाल तयार करण्यास सांगितले होते. अडचण अशी होती की, सर्व शाखांनी त्यांचा डेटा एक्सेल शीटवर ठेवला होता. एकाच वेळी अनेक लोक एकाच एक्सेल शीट संपादित करत असल्याने, ही एक समस्या बनली. कधी कधी एक्सेल शीट सेव्ह आणि अपडेटही होत नव्हती. हाऊसिंग लोन सेल्स टीममधील प्रवीण यांच्या भेटीदरम्यानच डिजी टूलकिटचा जन्म झाला.
(हे ही वाचा: याला म्हणतात ऑफर! होळीला खरेदी करा महागडे स्मार्टफोन्स फक्त १ हजार रुपयात, अनोखी ऑफर आहे तरी काय पाहा )
मायक्रोसॉफ्ट पॉवर अॅप्ससह तयार केले अॅप
प्रवीणने रामकुमारला मायक्रोसॉफ्ट पॉवर अॅप्स प्लॅटफॉर्मबद्दल सांगितले. वास्तविक, प्रवीण आणि रामकुमार दोघांनाही सारखीच अडचण होती. दोघांचे काम प्रचंड प्रमाणात डेटा गोळा करण्याशी संबंधित होते. येथूनच डिजी टूलकिट बनवण्यास सुरुवात झाली. रामकुमार यांनी प्रथम त्याचा नमुना बनवला आणि डीजीएम शैलेंद्र दीक्षित यांना दाखवला. या अॅपची कार्यक्षमता पाहून शैलेंद्रला आनंद झाला आणि त्याने अॅप बनवण्याची परवानगी दिली.
सोप्या भाषेत इनपुट देऊन अॅप तयार करता येते
अॅपने मोहीम ट्रॅकिंग आणि लीड ट्रॅकिंग सोपे केले. त्यामुळे दैनंदिन अहवालांचे कामही पूर्णपणे स्वयंचलित झाले. या संपूर्ण प्रकरणाची रंजक बाब म्हणजे रामकुमारला कोडिंग-प्रोग्रामिंगचे अजिबात ज्ञान नाही. त्यांनी मायक्रोसॉफ्ट पॉवर अॅप्स वापरून अॅप तयार केले. हे एक व्यासपीठ आहे जे कमी-कोड साधनांसह अॅप्स तयार करण्यात मदत करते. यामध्ये फक्त सोप्या भाषेत इनपुट द्यावे लागते, बाकीचे काम प्लॅटफॉर्मद्वारे केले जाते.
