xiaomi reduce price of Mi 11 Lite smartphone check features | Loksatta

शाओमीने Mi 11 Lite च्या किंमतीत केली कपात, १० हजारांची बचत, ६४ एमपी कॅमेऱ्यासह मिळतंय बरंच काही

शाओमीच्या चाहत्यांसाठी आनंदाची बातमी आहे. कंपनीने Mi 11 Lite च्या किंमतीमध्ये मोठी कपात केली आहे.

शाओमीने Mi 11 Lite च्या किंमतीत केली कपात, १० हजारांची बचत, ६४ एमपी कॅमेऱ्यासह मिळतंय बरंच काही
(pic credit – mi.com)

Xiaomi reduce price of Mi 11 Lite : शाओमीच्या चाहत्यांसाठी आनंदाची बातमी आहे. कंपनीने Mi 11 Lite च्या किंमतीमध्ये मोठी कपात केली आहे. हा स्मार्टफोन गेल्या वर्षी लाँच झाला होता. आपल्या दमदार फीचर्समुळे तो लोकांमध्ये प्रचंड लोकप्रिय आहे. मात्र त्याची किंमत अधिक होती. आता मात्र हा फोन बचतीसह खरेदी करण्याची सुवर्ण संधी आहे.

कंपनीनने Mi 11 Lite च्या किंमतीमध्ये 10 हजार रुपयांची कपात केली आहे. एमआय ११ लाइट ८ जीबी आणि १२८ जीबी स्टोअरेज व्हेरिएंटची किंमत एमआयच्या संकेतस्थळावर २५ हजार ९९९ रुपये आहे. मात्र, किंमतीमध्ये कपात केल्याने हा फोन आता १५ हजार ९९९ रुपयांमध्ये उपलब्ध झाला आहे.

(“…त्यामुळे तुमचे Twitter फॉलोअर्स कमी होऊ शकतात”, एलॉन मस्क यांचं सूचक ट्वीट; नेटिझन्समध्ये चर्चेला उधाण!)

फीचर्स

Mi 11 Lite स्मार्टफोनमध्ये ६.५५ इंच फूल एचडी प्लस अमोलेड डिस्प्ले, स्क्रीनच्या सुरक्षेसाठी कॉर्निंग गोरिला ग्लास ६ मिळत आहे. फोनचे फीचर्स वापरताना अडथळा येऊ नये यासाठी त्यामध्ये क्वालकॉम स्नॅपड्रॅगन ७३२ जी प्रोसेसर देण्यात आले असून त्यासह अड्रिनो ६१८ जीपीयू आणि ८ जी पर्यंत रॅम मिळते.

फोनमध्ये ट्रिपल लेन्स कॅमेरा देण्यात आला आहे. यात ६४ एमपी प्राईमरी कॅमेरा, ८ एमपी अल्ट्रा वाइड अँगल कॅमेरा आणि ५ एमपी टेलिफोटो लेन्स देण्यात आला आहे. सेल्फीसाठी फोनमध्ये १६ एमपीचा कॅमेरा देण्यात आला आहे. कमी प्रकाशात छायाचित्र काढण्यासाठी फोनमध्ये एलईडी फ्लॅश देण्यात आला आहे.

(नेटफ्लिक्सच्या सह संस्थापकाने मस्क यांच्यासाठी काढले गौरोद्गार, ते धाडसी आणि सर्जनशील, पण त्यांना..)

स्मार्टफोनमध्ये टाइप सी पोर्ट मिळत असून फोनचे वजन केवळ १५७ ग्राम आहे. फोनमध्ये दीर्घकाळ काम करता येण्यासाठी ४ हजार २५० एमएएचची बॅटरी देण्यात आली जी ३३ वॉट फास्ट चार्जिंगला सपोर्ट करते.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-12-2022 at 11:58 IST
Next Story
“…त्यामुळे तुमचे Twitter फॉलोअर्स कमी होऊ शकतात”, एलॉन मस्क यांचं सूचक ट्वीट; नेटिझन्समध्ये चर्चेला उधाण!