सॅमसंग गॅलेक्सी ग्रॅण्ड डय़ुओस x एचटीसी डिझायर एसव्हीसॅमसंग गॅलेक्सी ग्रॅण्ड डय़ुओस आणि एचटीसी डिझायर एसव्ही हे दोन्ही स्मार्टफोन साधारणपणे एकाच किंमतीत बाजारपेठेत उपलब्ध आहेत. दोन्ही स्मार्टफोन्सना चांगली मागणी आहे. एकाच किंमतीत दोन कंपन्यांचे स्मार्टफोन्स उपलब्ध झाले की, अशा वेळेस ग्राहकांची मात्र पंचाईत होते किंवा विचार करताना गोंधळ उडतो. त्यामुळे त्या संदर्भात विचारणा करणाऱ्या फोनमध्ये वाढ झाल्यामुळे अखेरीस याच्याही संदर्भात त्यांचा तुलनात्मक तक्ता प्रसिद्ध करण्याचा निर्णय टेक- इटने घेतला. तुलनात्मक तक्त्यामुळे स्मार्टफोन किंवा मग लॅपटॉपदेखील खरेदी करताना निर्णय घेणे तसे सोपे जाते, अशा वाचकांच्या प्रतिक्रिया टेक- इट कडे आल्या आहेत.तुलनात्मक तक्ताक्रिएटिव्ह टी ३१५०संगणकासोबत येणारे स्पीकर्स किंवा म्युझिक सिस्टिम असे म्हटले की, सर्वाना दोन नावे प्रामुख्याने आठवतात, लॉजिटेक आणि क्रिएटिव्ह. यातील क्रिएटिव्ह या कंपनीने मध्यंतरी या संगणकाधारित म्युझिक सिस्टिमच्या संदर्भात अनेक चांगले स्पीकर्स बाजारात आणले. आता पुन्हा एकदा तिच परंपरा पाळत त्यांनी क्रिएटिव्ह ३१५० ही नवीन स्पीकर सिस्टिम बाजारपेठेत दाखल केली आहे.महत्त्वाचे म्हणजे क्रिएटिव्हची ही स्पीकर सिस्टिम पूर्णपणे वायरलेस तत्त्वावर काम करणारी आहे. त्यासाठी ब्लूटूथ हे माध्यम म्हणून वापरले जाते. ब्लूटूथचा वापर तर अनेक उपकरणांमध्ये होत असतो. किंबहुना स्मार्ट उपकरणांच्या एका परिमाणामध्ये आता ब्लूटूथचा समावेश करण्यात आला आहे. त्यामुळे अशी स्मार्ट उपकरणे असलेल्या स्मार्टफोनपासून ते टॅब्लेटपर्यंत सर्वच उपकरणांना हे ब्लूटूथ माध्यम असलेले स्पीकर्स जोडून त्यांचा वापर करता येईल आणि चांगल्या संगीताचा आनंद सहज लुटता येईल. यासाठी क्रिएटिव्हने सॅटेलाईट फीचर डिझाईन म्हणजेच इमेज फोकसिंग प्लेटचा वापर केला आहे. त्यामुळे त्याचे अ‍ॅकॉस्टिक चांगले असून त्यातून येणाऱ्या आवाजाची सुश्राव्यताही वाढली आहे. याला जोडलेल्या सबवुफरमुळे उत्तम बास लेव्हलचा अनुभव घेता येतो. याशिवाय याला एका खास रिमोट कंट्रोलची सुविधाही कंपनीने दिली आहे. त्यामुळे बसल्याजागी आपल्याला सिस्टिममधील बदल करता येतात. भारतीय बाजारपेठेतील किंमत : रु. ३,९९९/-म्युझिक सिस्टिम डीजे इफेक्टसहजेवढे पैसे अनेक जण स्मार्टफोन किंवा इतर उपकरणांवर खर्च करतात त्याहीपेक्षा अनेक पटींनी अधिक पैसे अनेकदा म्युझिक सिस्टिमवर खर्च केले जातात. त्यातील प्रत्येकालाच गाणे कळते, किंवा संगीत समजते असे नाही. पण संगीताचा आनंद लुटण्याची वृत्ती मात्र अनेकांमध्ये असते. आणि त्या सुश्राव्य आवाजासाठी अधिक पैसे मोजण्याचीही त्यांची तयारी असते. सुश्राव्य संगीताच्या अशा रसिकांसाठी एलजीने आता एक चांगली म्युझिक सिस्टिम बाजारपेठेत आणली आहे. याचे आऊटपूट २३०० व्ॉटस् आरएमएस आणि २५००० व्ॉटस् पीएमपीओ क्षमतेचे आहे. सीएम९७३० असे या मॉडेलचे शीर्षक असून यामध्ये एक चांगली क्षमता एलजीने या सिस्टिमला प्राप्त करून दिली आहे. अलीकडच्या पिढीमध्ये सर्वाधिक वेड आहे ते डीजेचे. अनेकांना स्वतहून वेगळे प्रयोग करत डीजे मिक्सिंग करायला आणि त्यातून नवे काही तरी निर्माण करायला आवडते. अशा पिढीसाठी ही अगदी सुयोग्य अशी सिस्टिम आहे कारण यामध्ये प्रोफेशनल पद्धतीने डीजे मिक्सिंग करण्याची सोय कंपनीने दिली आहे. संगीतप्रेमींसाठी ही चांगली पर्वणीच आहे. यामध्ये पाच प्रकारे व्हॉइस इफेक्टस्, ६ सहा प्रकारचे बीट बॉक्स इफे क्टस् आणि ७ प्रकारचे डीजे इफेक्टस् यांचा समावेश करण्यात आला आहे. सिस्टिममध्ये असलेल्या दोन जॉग डायल्सच्या माध्यमातून हे इफेक्टस् मिळवता येतात. अलीकडे संगीत हा काही केवळ म्युझिक सिस्टिमवरून ऐकण्याचा प्रकार राहिलेला नाही. ते स्मार्टफोनसारख्या अनेक स्मार्ट उपकरणांच्या मार्फत ऐकले जाते. त्यामुळे अशा उपकरणांच्या सोप्या जोडण्यांची सोय नव्या उपकरणांना किंवा म्युझिक सिस्टिमला आहे किंवा नाही हे आवर्जून पाहिले जाते. या म्युझिक सिस्टिममध्ये अशा प्रकारची सोय देण्यात आली आहे. त्यासाठी ब्लूटूथ, स्मार्टफोन किंवा टॅब्लेट यापैकी कोणत्याही बाबींचा वापर करता येऊ शकेल. नव्या पिढीला आवडेल अशीच ही म्युझिक सिस्टिम आहे.
