20 September 2020

News Flash

वसई रेल्वेच्या हद्दीत सहा महिन्यांत ११७ रेल्वे अपघात

२३ मृतदेहांची अद्याप ओळख पटली नाही

२३ मृतदेहांची अद्याप ओळख पटली नाही

विरार : वसई रेल्वे पोलीस ठाण्याच्या हद्दीत चालू वर्षांतील सहा महिन्यांत ११७ अपघात झाले असून त्यात ६४ जणांचा मृत्यू झाला आहे. त्यातील २३ जणांची अद्याप ओळख पटलेली नाही.

वसई रेल्वे पोलीस ठाण्याच्या हद्दीत मीरा रोड ते वैतरणा या दरम्यानच्या ८ रेल्वे स्थानकांचा समावेश होते. जानेवारी ते जून २०२० या सहा महिन्यांत या मार्गावर एकूण ११७ रेल्वे अपघात झाले आहेत. त्यात ६४ जणांचा मृत्यू झाला तर ५३ प्रवासी जखमी झाले आहेत. यातील २३ मयत प्रवाशांचा पत्ता अजूनही लागला नाही. टाळेबंदीत केवळ लांब पल्ल्याच्या विशेष गाडय़ा आणि ठरावीक उपनगरीय लोकल सेवा सुरू आहे. त्यामुळे अपघातांचे प्रमाण कमी असले तरी टाळेबंदीच्या काळातही ९ जणांचे अपघाती मृत्यू झाले. त्यांच्या वारसांचाही तपास लागलेला नाही.

मागील काही वर्षांत रेल्वे अपघातात दागावणाऱ्या प्रवाशांचा आकडा वाढला आहे. त्याच्या बरोबर त्यात बेवारस मृत्तांची संख्या वाढत असल्याने तसेच त्यांच्या वारसांचा शोध घेण्याचे आणि मृतदेहावर अंत्यसंस्कार करण्याचे आव्हान वाढले आहे. एखाद्या व्यक्तीचा रेल्वे प्रवासात मृत्यू झाल्यास रेल्वे पोलीस १२ दिवस त्याच्या नातेवाईकांचा शोध घेतात. या १२ दिवसांत वारसांचा शोध न लागल्यास आणखी ४ ते ५ दिवस वाट पाहिली जाते. त्यानंतरही वारसांचा शोध न लागल्यास सरकारी खर्चाने विधीपद्धतीने मृतावर अंत्यसंस्कार केले जातात. अपघातातील मृत्तदेहाचे अंत्यविधी उरकल्यानंतर एखादा वारस पोलीस ठाण्यापर्यंत आला तर त्याला कागदपत्रे दिली जातात, अशी माहिती वसई रेल्वे पोलीस ठाण्याचे वरिष्ठ पोलीस निरीक्षक यशवंत निकम यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 12:55 am

Web Title: 117 train accidents in vasai railway zone in six months zws 70
Next Stories
1 करोनामुळे नाटय़गृहाचे काम रखडले
2 टाळेबंदीने कापड उद्योगाची वीण उसवली..
3 निर्बंध शिथिल.. पण नागरिक सावध!
Just Now!
X