वसई-विरार शहरामध्ये शनिवारी एकाच दिवशी १४ नव्या करोना रुग्णांची वाढ झाली. यामुळे शहरातील एकूण करोना बाधित रुग्णांची संख्या आता १५० एवढी झाली आहे. वसई-विरार शहरामध्ये गेल्या काही दिवसांपासून करोना बाधित रुग्णांच्या संख्येत सातत्याने वाढ होत आहे. मात्र शनिवारी संध्याकाळी दिवसभरामध्ये सर्वाधिक म्हणजे १४ नवीन रुग्णांची वाढ झाली. त्यामध्ये विरारमधील आठ तर नालासोपारा मधील सहा रुग्णांचा समावेश समावेश आहे. यामध्ये १० महिन्यांच्या चिमुकला आणि आठ वर्षांच्या मुलीचा समावेश आहे. वसई विरार महापालिकेने दिलेल्या आकडेवारीनुसार शनिवार संध्याकाळपर्यंत शहरातील एकूण रुग्ण संख्या १५० वर पोहोचली आहे. त्यामध्ये आतापर्यंत साठ रूग्ण करुणा मुक्त झालेले असून ८० जण उपचार घेत आहेत तर १० रुग्णांचा यापूर्वीच मृत्यू झालेला आहे
