ठाणे जिल्ह्य़ात मंगळवारी १७१ नवे करोनाबाधित रुग्ण आढळले आहेत. यामुळे करोनाबाधित रुग्णांची संख्या २ हजार ५४९ इतकी झाली आहे. मंगळवारी ठाणे शहरात ४६ रुग्ण आढळले. कल्याण-डोंबिवलीमध्ये २१, भिवंडीत १, उल्हासनगरमध्ये ३, बदलापूरमध्ये ६, मिरा-भाईंदरमध्ये ५ नवे रुग्ण मंगळवारी आढळले. मंगळवारी एका दिवसात नवी मुंबई शहरात ७७ करोनाबाधित आढळले असून, शहरात करोनाबाधितांची एकूण संख्या ८५६ वर पोहोचली. दरम्यान, वसई -विरार शहरात मंगळवारी १३ नवे रुग्ण आढळून आले असून २ रुग्णांचा मृत्यू झाला. यामुळे शहरातील एकूण रुग्ण संख्या २३९ वर पोहोचली आहे.
