News Flash

वसईत २० वर्षीय तरुणीवर बलात्कार

२० वर्षीय तरुणीला जबरदस्तीने घरात नेऊन तिच्यावर बलात्कार केल्याची घटना समोर आली आहे.

प्रतिकात्मक छायाचित्र

नालासोपारा येथे राहणाऱ्या २० वर्षीय तरुणीला जबरदस्तीने घरात नेऊन तिच्यावर बलात्कार केल्याची घटना समोर आली आहे. पीडित मुलगी नालासोपाऱ्यातील धानिवबाग येथे राहते.
शनिवारी दुपारी ती नेहमीप्रमाणे कॉलेजमधून घरी परतत होती. त्या वेळी तिच्याच घराजवळ राहणाऱ्या एका २५ वर्षीय तरुणाने तिला बळजबरीने आपल्या घरात ओढून नेले आणि तिच्यावर बलात्कार केला. या प्रकरणाची कुठे वाच्यता केली तर जिवे मारण्याची धमकी त्याने दिली होती.
धमकी दिल्यामुळे पीडित मुलगी दोन दिवस गप्प होती. सोमवारी तिने हा प्रकार आपल्या कुटुंबीयांना सांगितला. त्यानंतर तिच्या पालकांनी याबाबत वालीव पोलीस ठाण्यात तक्रार दिल्यानंतर पोलिसांनी आरोपीविरोधात अपहरण, बलात्कार आणि पोक्सो कायद्यांतर्गत गुन्हा दाखल केला आहे.
सासऱ्याकडून सुनेचा विनयभंग
वसई : नालासोपाऱ्याच्या आचोळे येथे एका इसमाने आपल्याच सुनेचा विनयभंग केल्याची घटना घडली आहे.
आचोळे रोड येथे राहणाऱ्या २७ वर्षीय महिलेने आपल्या सासऱ्याच्या विरोधात तक्रार दिली आहे. ६ ऑगस्ट रोजी घरात एकटी असताना ६५ वर्षीय सासऱ्याने विनयभंग केला. पोलिसांनी तिच्या तक्रारीवरून विनयभंग, मारहाण, धमकी, शिवीगाळ आदी कलमांतर्गत गुन्हे दाखल करून तिच्या सासऱ्याला अटक केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2016 12:21 am

Web Title: 20 year old girl raped in vasai
Next Stories
1 गार्डियन महाविद्यालयावर हातोडा?
2 कळव्याच्या मलप्रक्रिया केंद्रासाठी प्रशासनाचा चंग
3 गाळमुक्तीमुळे खरड तलावाचे पुनरुज्जीवन
Just Now!
X