काश्मीर येथे घुसखोरी करणाऱ्या दहशतवाद्यांशी लढताना वीरमरण आलेल्या मीरा रोडच्या मेजर कौस्तुभ प्रकाश राणे यांच्या कुटुंबीयांना २५ लाख रुपये देण्याचे मुख्यमंत्री देवेंद्र फडणवीस यांनी जाहीर केले आहे. ७ ऑगस्टला काश्मीरमधल्या गुरेज सेक्टरमध्ये दहशतवाद्यांशी लढताना मेजर कौस्तुभ राणे यांना वीरमरण आले होते. यासंदर्भात मीरा-भाईंदरचे आमदार नरेंद्र मेहता यांनी मुख्यमंत्र्यांची मंगळवारी भेट घेतली असता मुख्यमंत्र्यांनी मेजर राणे यांच्या कुटुंबाला महाराष्ट्र शासनाकडून २५ लाख रुपये देण्याची घोषणा केली. याचसोबत मीरा-भाईंदर महापालिकेनेही राणे कुटुंबीयांना ११ लाख रुपये देण्याचा प्रस्ताव आयुक्तांकडे सादर केला, अशी माहिती महापौर डिंपल मेहता यांनी दिली.
