जिल्ह्य़ात गुरुवारी १ हजार १७४ नवे करोना रुग्ण आढळले. त्यामुळे जिल्ह्य़ातील एकूण रुग्णसंख्या ९४ हजार २३२ इतकी झाली आहे. दिवसभरात ४४ जणांचा करोनामुळे मृत्यू झाला असून, एकूण मृतांची संख्या २ हजार ५९८ वर पोहोचली आहे. ठाणे जिल्ह्य़ात गुरुवारी १ हजार १७४ नवे करोनाबाधित रुग्ण आढळून आले. त्यामध्ये नवी मुंबईतील ३६१, ठाणे शहरातील २५८, कल्याण-डोंबिवली शहरातील २०९, मीरा-भाईंदर शहरातील ११९, ठाणे ग्रामीणमधील ८५, अंबरनाथ शहरातील ५०, बदलापूर शहरातील ४७, भिवंडीतील २५ आणि उल्हासनगर शहरातील २० रुग्णांचा समावेश आहे. तर, ४४ रुग्णांचा करोनामुळे मृत्यू झाला असून त्यामध्ये ठाण्यातील १३, कल्याण-डोंबिवलीतील ८, ठाणे ग्रामीणमधील ७, मीरा-भाईंदरमधील ७, नवी मुंबईतील ५, भिवंडीतील ३ आणि अंबरनाथमधील एका रुग्णाचा समावेश आहे.
