News Flash

गावठी दारूविरोधात कारवाई

नालासोपारा आणि विरारमध्ये मोठय़ा प्रमाणात छुप्या पद्धतीने बेकायदा गावठी दारू तयार केली जाते.

गोपाळगंजचे जिल्हाधिकारी राहुल कुमार यांनी या प्रकरणाची चौकशी करण्यासाठी तीन सदस्यीय समिती नेमली असून, समितीला लवकरात लवकर अहवाल देण्याचे आदेश देण्यात आले आहेत.

सहा महिन्यांत ७८ गुन्हे, २३ अटकेत; शेकडो लिटर दारू नष्ट

राज्य उत्पादक शुल्क विभागाने गावठी दारूवर धडक कारवाई सुरू केली आहे. गेल्या सहा महिन्यांत नालासोपारा आणि विरारमध्ये छापे टाकून दारूचे अड्डे उद्ध्वस्त केले आहेत. एकूण ७८ गुन्हे दाखल करून २३ जणांना अटक करण्यात आली आहे. जप्त केलेले रसायन आणि शेकडो लिटर दारू नष्ट केली आहे.

नालासोपारा आणि विरारमध्ये मोठय़ा प्रमाणात छुप्या पद्धतीने बेकायदा गावठी दारू तयार केली जाते. गावठी हातभट्टीच्या दारूवर बंदी असताना हे अड्डे सुरू होते. चोरटय़ा मार्गाने वाहतूक करून ही दारू ठाणे, मुंबई आणि पालघरमध्ये वितरित केली जात असते. त्यामुळे त्यांच्यावर राज्य उत्पादक शुल्क विभागाने कारवाई सुरू केली होती. पोलीस अधीक्षक बी. एन. लिंगे यांच्या मार्गदर्शनाखाली साहाय्यक निरीक्षक नितीन संखे, के. आर. खरपडे आणि एस. आर. हडलकर यांचा समावेश असलेले विशेष पथक स्थापन करण्यात आले. या पथकाने विरारच्या सातपाडा, नालासोपारा येथील बरफपाडा, संतोष भुवन, कळंब आदी विविध ठिकाणीे छापे टाकले होते. गेल्या सहा महिन्यांत विभागाने तब्ब्ल ७८ गुन्हे दाखल करून २३ जणांना अटक केली. आतापर्यंत झालेल्या कारवाईत ४४ हजार लिटर रसायन आणि ५४३ लिटर हातभट्टीची दारू जप्त करण्यात आली होती. ही सर्व दारू आणि रसायने पंचनामा करून नष्ट करण्यात आल्याची माहिती नितीन संखे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 1:43 am

Web Title: action desi daru
Next Stories
1 पारदर्शक कारभारासाठी जीपीएस प्रणाली उपयुक्त
2 ‘स्मार्ट ठाणे’ला ‘एचपी’चे तांत्रिक सहाय्य लाभणार
3 जखमीच्या मदतीला धावलेल्या रेल्वे पोलिसाचा अपघाती मृत्यू
Just Now!
X