News Flash

वसईत पाच दिवसांत १ हजार ९७८ नवीन करोना रुग्ण

अवघ्या पाच दिवसांत तब्बल १ हजार ९७८ नवीन करोनाचे रुग्ण आढळून आले आहेत, तर ७ जणांचा मृत्यू झाला आहे.

संग्रहीत

वसई : करोनाच्या वाढत्या रुग्णसंख्येमुळे वसई-विरार शहरातील करोनाचा कहर अधिक गडद बनू लागला आहे. एप्रिल महिन्याची सुरुवात होताच रुग्णवाढीचा वेग तीन ते चारपटीने  वाढला आहे. सोमवारी वसईत ५१७ नवीन करोना रुग्णांची नोंद झाली असून अवघ्या पाच दिवसांत तब्बल १ हजार ९७८ नवीन करोनाचे रुग्ण आढळून आले आहेत, तर ७ जणांचा मृत्यू झाला आहे.

वसई-विरार शहरात करोनाचा प्रादुर्भाव वेगाने पसरू लागला आहे. दिवसागणिक करोनाबाधित रुग्णांच्या संख्येत वाढ होत असल्याने शहराची चिंता अधिक वाढू लागली आहे. मार्च महिन्यात दिवसाला सरासरी १०० रुग्ण आढळून येत होते. परंतु एप्रिल महिन्याची सुरुवात होताच दिवसाला सरासरी  ३०० ते ४०० रुग्ण आढळून येऊ  लागले आहेत. वसईत सोमवारी पालिकेच्या हद्दीत ५१७ नवीन रुग्ण आढळून तर ३ जणांचा मृत्यू झाला आहे.  दिवसभरात २०० रुग्ण करोनामुक्त होऊन घरी परतले आहेत.

सध्या वसई-विरार शहरातील करोनाबाधित रुग्णांची एकूण संख्या ३५ हजार १४९ झाली आहे. करोनामुक्तांची संख्या ३१ हजार १९ झाली आहे. आतापर्यंत ९२१ जणांचा बळी गेला आहे.  करोनाच्या द्सऱ्या लाटेत सातत्याने रुग्णसंख्येत वाढ होत असल्याने उपचाराधीन रुग्णांच्या संख्येत वाढ होत असून ३ हजार २०९ झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 6, 2021 12:03 am

Web Title: corona virus infection corona patient in vasai akp 94
टॅग : Coronavirus
Next Stories
1 पांढरा कांदा उत्पादक शेतकऱ्यांना कांदा विक्रीचा पेच
2 वसई-विरार शहरात पुन्हा रक्तसंकट
3 नायगावमधील इमारतीचा भाग खचला
Just Now!
X