19 September 2020

News Flash

स्वस्त घराचे आमिष दाखवून फसवणूक

काही वर्षांपासून त्याने मुंबईत उद्योजक असल्याचा बनाव करून ग्रामीण भागातील अनेक नागरिकांची फसवणूक केली आहे.

(संग्रहित छायाचित्र)

ठाणे : म्हाडा गृहसंकुलात स्वस्त किमतीमध्ये घरे मिळवून देतो तसेच रिझव्‍‌र्ह बँकेत नोकरी लावून देतो, असे सांगून फसवणूक करणाऱ्या भामटय़ाला ठाणे खंडणीविरोधी पथकाने शुक्रवारी ताब्यात घेतले.

प्रशांत बडेकर ऊर्फ अरविंद सोनटक्के (४२) असे या आरोपीचे नाव असून त्याच्याविरोधात मुंबई, पुणे, नागपूर, सातारा, नंदुरबार, औरंगाबाद येथील विविध पोलीस ठाण्यांत गुन्हे दाखल आहेत. पुढील कारवाईसाठी त्याला सातारा पोलिसांच्या ताब्यात देण्यात आले असून मोठे रॅकेट उघडकीस येण्याची शक्यता पोलिसांकडून वर्तविण्यात येत आहे.

प्रशांत हा म्हाडा गृहसंकुलात स्वस्त किमतीत घरे देतो तसेच रिझव्‍‌र्ह बँकेत ‘क्लार्क’ पदावर नोकरीला लावून देतो असे सांगून फसवणूक करत असल्याचे तपासात पुढे आले आहे. प्रशांतचे शिक्षण पदव्युत्तपर्यंत पूर्ण झाले आहे. तो कल्याण येथे खासगी शिकवण्या घेतो. गेल्या काही वर्षांपासून त्याने मुंबईत उद्योजक असल्याचा बनाव करून ग्रामीण भागातील अनेक नागरिकांची फसवणूक केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 18, 2020 12:29 am

Web Title: crime news home akp 94
Next Stories
1 ठाणे स्थानकातील जुन्या पादचारी पुलाचे पाडकाम
2 संपाचा तिढा कायम
3 अनधिकृत शाळेतील शिक्षकही अपात्र
Just Now!
X