कन्याकुमारी येथील स्वामी विवेकानंद यांचे शिला स्मारक आणि विवेकानंद केंद्राचे शिल्पकार एकनाथ रानडे यांच्या जन्मशताब्दी समारोपाचा कार्यक्रम ‘समिधा’ या नावाने डोंबिवलीत आयोजित करण्यात आला आहे. या कार्यक्रमाला विवेकानंद केंद्राच्या अखिल भारतीय उपाध्यक्ष निवेदिता भिडे उपस्थित राहणार आहेत. २४ नोव्हेंबर रोजी संध्याकाळी सात वाजता डोंबिवली पूर्व भागातील टिळकनगरमधील टिळकनगर विद्या मंदिराच्या पटांगणात हा कार्यक्रम होणार आहे. विवेकानंद केंद्राच्या डोंबिवली शाखेच्या प्रमुख मंगला ओक यांच्या मार्गदर्शनाखाली या कार्यक्रमाचे संयोजन करण्यात आले आहे. या कार्यक्रमात एकनाथ रानडे यांच्या कार्याची चित्रफीत दाखवण्यात येणार आहे. त्यानंतर निवेदिता भिडे यांचे व्याख्यान होणार आहे.
