तातडीच्या दुरुस्तीचा निर्णय

ठाणे महापालिकेच्या राम गणेश गडकरी रंगायतन नाटय़गृहातील बांधकाम तपासणीचा अहवाल शुक्रवारी सायंकाळी तज्ज्ञांनी व्यवस्थापनाला सादर केला असून त्यामध्ये बांधकाम दुरुस्तीची कामे करण्याच्या सूचना करण्यात आल्या आहेत. त्यामुळे शनिवारपासून पुढील दहा दिवस नाटय़गृहातील सर्व कार्यक्रम रद्द करून तातडीने दुरुस्तीचे काम हाती घेण्याचा निर्णय व्यवस्थापनाने घेतला आहे.

businessman was cheated
धक्कादायक! इन्फोसिसचे संस्थापक नारायण मूर्ती यांचा व्हिडीओ वापरुन व्यावसायिकाची दहा लाखांची फसवणूक
Sandhya Devanathan
व्यवसाय वाढीमध्ये ‘एआयʼची महत्त्वाची भूमिका, मेटाच्या व्यवस्थापकीय संचालक संध्या देवनाथन यांचे मत
Aamir Khan announcement that Pani Foundation will implement group farming experiment in the state pune news
पाणी फाउंडेशन राज्यात गटशेतीचा प्रयोग राबवविणार; आमिर खान यांची घोषणा
Inspection of records in land records office by police in case of arrest of KDMC urban planning staff
कडोंमपा नगररचना कर्मचारी अटक प्रकरणात पोलिसांकडून भूमि अभिलेख कार्यालयातील अभिलेखांची तपासणी

ठाणे महापालिकेच्या राम गणेश गडकरी रंगायतन नाटय़गृहामधील मुख्य सभागृहाच्या छताचे प्लॅस्टर कोसळल्याची घटना बुधवारी घडली. या घटनेनंतर खबरदारीचा उपाय म्हणून व्यवस्थापनाने गेल्या दोन दिवसांपासून नाटय़गृहातील कार्यक्रम रद्द केले आहेत. तसेच घटनेच्या दुसऱ्याच दिवशी म्हणजेच गुरुवारी तज्ज्ञांना पाचरण करून नाटय़गृहाच्या बांधकामाची पाहणी केली होती. या पाहाणी अहवालानंतरच नाटय़गृह कार्यक्रमांसाठी खुले करण्याबाबतचा निर्णय व्यवस्थापन घेणार होते.

दरम्यान शुक्रवारी सायंकाळी तज्ज्ञांनी नाटय़गृहातील बांधकाम तपासणीचा अहवाल व्यवस्थापनाला सादर केला. या अहवालामध्ये बांधकाम दुरुस्तीची कामे सुचविण्यात आली आहेत. त्यामुळे दुरुस्तीच्या कामासाठी नाटय़गृह पुढील दहा दिवस बंद ठेवण्याचा निर्णय व्यवस्थापनाने घेतला आहे. शनिवारपासून नाटय़गृहातील बांधकाम दुरुस्तीची कामे तातडीने हाती घेण्यात येणार आहेत, अशी माहिती महापालिकेचे उपायुक्त संदीप माळवी यांनी दिली.