ठाणे : भिवंडी येथील आजमीनगर भागात शुक्रवारी सकाळी एकमजली घराचा सज्जा आणि भिंत कोसळून एकाचा मृत्यू झाला, तर सहा जण जखमी झाले. या प्रकरणाची नोंद भोईवाडा पोलीस ठाण्यात करण्यात आली असून जखमींवर रुग्णालयात उपचार सुरू असल्याची माहिती पोलिसांनी दिली. रज्जाक अन्सारी (४०) असे मृताचे नाव आहे. तर मोहम्मद हसीम (३५), सुबेदा खातून (५५), अमिना अन्सारी (४५), रोशन बानो (३०), झोरा अब्दुल खान (१२) आणि रुसी फातिमा (१४) अशी जखमींची नावे आहेत. आजमीनगर येथील दिवानशाह दर्गा परिसरात हे घर आहे. शुक्रवारी सकाळी १० च्या सुमारास ही दुर्घटना झाली.
