News Flash

दहा दिवसांत रुग्ण बरे होण्याच्या प्रमाणात वाढ

बदलापुरात मात्र नव्या रुग्णांपेक्षा बरे होणारे रुग्ण कमीच

बदलापुरात मात्र नव्या रुग्णांपेक्षा बरे होणारे रुग्ण कमीच

सागर नरेकर, लोकसत्ता

अंबरनाथ : अत्यंत दाटीवाटीचे शहर म्हणून ओळख असलेले उल्हासनगर आणि अंबरनाथ शहरात गेल्या १० दिवसांत करोना रुग्ण बरे होण्याचे प्रमाण वाढल्याचे दिसून आले आहे. उल्हासनगर शहरात गेल्या दहा दिवसांत १ हजार ४५० नवे करोना रुग्ण आढळले आहेत. त्याच वेळी १ हजार ९४९ रुग्ण उपचाराअंती बरे होऊन घरी परतले आहेत, तर अंबरनाथ शहरातही गेल्या दहा दिवसांत २ हजार ३३६ नवे रुग्ण आढळले असले तरी ३ हजार ९६ रुग्ण बरे होऊन घरी गेले आहेत. त्यामुळे नव्या रुग्णांपेक्षा बरे होणाऱ्या रुग्णांची संख्या वाढल्याने शहरात दिलासादायक चित्र आहे. बदलापूर शहरात मात्र अजूनही बरे होणाऱ्या रुग्णांपेक्षा बाधितांची संख्या मोठी आहे.

व्यापारी शहर आणि चटई क्षेत्रानुसार अत्यंत दाटीवाटीचा प्रदेश या वर्गात मोडणारे शहर म्हणून उल्हासनगर शहराची ओळख आहे. दाटीवाटीच्या लोकवस्तीमुळे येथे करोनाचा संसर्ग वाढण्याची भीती व्यक्त होत होती. दोन महिन्यांपूर्वी शहरातील रुग्णसंख्या १५० ते २०० च्या दरम्यान आढळून येत होती. मात्र गेल्या काही दिवसांत करोनाबाधितांची रुग्णसंख्या कमी होत असल्याचे दिसून आले आहे. दोन आठवडय़ांपूर्वी उल्हासनगर शहरात ११ एप्रिल रोजी २३२ रुग्ण आढळले होते, तर १४ एप्रिल रोजी २४१ रुग्णांची नोंद झाली होती. मात्र त्यानंतर रुग्णसंख्या उतरत्या क्रमाने कमी होत गेल्याचे दिसून आले आहे. २६ एप्रिल रोजी शहरात अवघ्या ८४ रुग्णांची नोंद झाली आहे. त्याच वेळी शहरातल्या विविध रुग्णालयांमध्ये उपचार घेणाऱ्या रुग्णांचे बरे होण्याचे प्रमाणही गेल्या काही दिवसांत वाढल्याचे दिसून आले आहे. गेल्या दहा दिवसांमध्ये उल्हासनगर शहरात तब्बल १ हजार ९४९ रुग्ण उपचार घेऊन बरे होत आपल्या घरी परतले आहेत, तर याच दहा दिवसांमध्ये नव्या रुग्णांची संख्या १ हजार ४५० इतकी आहे. त्यामुळे नव्या रुग्णांपेक्षा बरे होणाऱ्या रुग्णांचे प्रमाण वाढल्याचे दिलासादायक चित्र शहरात पाहायला मिळते आहे, तर अंबरनाथ शहरातही गेल्या दहा दिवसांमध्ये करोनामुक्त झालेल्या रुग्णांची संख्या ३ हजारांच्या पार गेली आहे. गेल्या दहा दिवसांत शहरात २ हजार ३३६ नवे रुग्ण आढळून आले आहेत. त्याच वेळी बरे होणाऱ्या रुग्णांची संख्या ३ हजार ९६ इतकी झाली आहे. अंबरनाथ शहरात सरासरी २५० रुग्ण करोनामुक्त होत असल्याचे पालिकेची आकडेवारी सांगते आहे. त्यामुळे नव्या रुग्णांपेक्षा करोनामुक्त झालेल्यांची संख्या अधिक होत असल्याने हे

सकारात्मक चित्र असल्याचे बोलले जाते. तर बदलापूर शहरात मात्र अजूनही बरे होणाऱ्या रुग्णांचे प्रमाण नव्याने आढळणाऱ्या रुग्णांपेक्षा कमी आहे.

शहर                         उल्हासनगर                     अंबरनाथ                                 बदलापूर

बाधित    करोनामुक्त     बाधित      करोनामुक्त            बाधित        करोनामुक्त

२६ एप्रिल                    ८४           १९७                १११           ३२२                     २०५             १६७

२५ एप्रिल                   १२४          २११                २५१            ३०९                    १७९              २२६

२४ एप्रिल                    १२६         २०३                 २११           ३५६                     १९४              ५५

२३ एप्रिल                    १६७        १५५                  ४८०           २२७                       २१०             २९३

२२ एप्रिल                     १८०        १९३                २३६             २५९                     २४९             ६५

२१ एप्रिल                    १३४          २१४                २३३            ३७९                     १८१              २७१

२० एप्रिल                     १४१         २३२               १९१             ३८०                     २१५             १६४

१९ एप्रिल                     १४४         १८८                २३८             २३०                     २५०            १४७

१८ एप्रिल                       १८०       १५३               १२२              २९१                      २२७          ३११

१७ एप्रिल                       १७०       २०३              २६३                ३४३                       २०३        ४६

एकूण                            १४५०     १९४९            २३३६              ३०९३                    २११३        १७४५

बरे होणाऱ्या रुग्णांचे वाढलेले प्रमाण सकारात्मक बाब आहे.  अतिरिक्त आयुक्ते पंकज आशिया यांच्या नेतृत्वाखाली आरोग्य व्यवस्थेने यशस्वी काम केले आहे. रुग्णांनीही वेळीच उपचारासाठी पुढे आल्यास यात आणखी भर पडेल.

– डॉ. युवराज भदाणे, जनसंपर्क अधिकारी, उल्हासनगर महापालिका

टाळेबंदीमुळे रुग्णसंख्या नियंत्रणात आणण्यात काही अंशी यश मिळाले आहे.

– डॉ. धीरज चव्हाण, अतिरिक्त मुख्याधिकारी, अंबरनाथ नगरपालिका    

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 28, 2021 1:15 am

Web Title: patient recovery rate increase in ten days zws 70
Next Stories
1 करोना अहवालाच्या विलंबामुळे बाधितांमध्ये वाढ
2 ठाण्यात प्राणवायुअभावी सात रुग्णांचे स्थलांतर
3 ‘रुग्णालयांतील विविध यंत्रणांची तपासणी करणे आवश्यक’
Just Now!
X